LG G5 កាមេរ៉ាភ្លោះ ដាក់លក់នៅកម្ពុជាធូរថ្លៃជាង S7

2016-04-25 21:00:37
ចំនួនមតិ 0 | ចំនួនចែករំលែក 0

ចន្លោះមិនឃើញ

LG G5 ដែលជាកំពូលស្មាតហ្វូនមានរាងនិងបច្ចេកវិទ្យាប្លែក បានមកដល់ទីផ្សារស្រុកខ្មែរ ដោយតម្លៃដាក់លក់ធូរថ្លៃជាង Galaxy S7 ដល់ទៅ ៣០ដុល្លារ។

ភាពលេចធ្លោសម្រាប់ LG G5 គឺថ្មរបស់វា អាចដោះចេញតាមផ្នែកខាងក្រោមនៃទូរសព្ទ ប្លែកពីស្មាតហ្វូនទូទៅ។ ក្រៅពីដោះដូរថ្មបាន ផ្នែកខាងក្រោមរបស់ LG G5 អាចភ្ជាប់ជាមួយឧបករណ៍ LG Cam Plus ដែលមានមុខងារជាច្រើនសម្រាប់ជំនួយដល់ការថតរូប និង HI FI Plus សម្រាប់បទពិសោធន៍ស្ដាប់តន្ត្រីលើទូរសព្ទប្លែកមិនធ្លាប់មាន។

លើសពីនេះ បច្ចេកវិទ្យាអេក្រង់ដែល LG ទើបបំពាក់ស្រដៀងគ្នានឹង S7/S7 Edge នោះគឺ Always-on Display ដែលអាចបង្ហាញព័ត៌មាននៅពេលទូរសព្ទជាប់សោ ដូចជា ម៉ោង ប្រតិទិន និង Notification ផ្សេងៗ គួបផ្សំនឹងរូបភាព Background មានចលនា ។

លក្ខណៈសម្បត្តិ LG G5៖

@អេក្រង់៖ ៥,៣អ៊ីញ និង Resolution កម្រិត 1440 x 2560 pixels @កាមេរ៉ាក្រោយភ្លោះ៖ កាមេរ៉ាទី ១ ទំហំ 16MP, ទី២ ទំហំ 8MP និង Flash ប្រភេទ LED @កាមេរ៉ាមុខ៖ 8MP @Memory៖ 32GB (អាចបន្ថែម microSD Card បាន 200GB) និង RAM ទំហំ 4GB @ថាមពលថ្ម៖ Li-Ion ទំហំ 2800mAh @តម្លៃ៖ ៦៥០ដុល្លារ៕