កូនខ្មែរទាំង ៣ រូបល្បីល្បាញក្នុងភាពយន្ត Hollywood ព្រោះសម្ដែងឈុតគ្រោះថ្នាក់

2016-04-26 13:30:27
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងមកមានកូនខ្មែរ ៣ នាក់ហើយ ដែលធ្លាប់សាងភាពល្បីល្បាញតាមរយៈភាពយន្តបរទេសដោយសារតែពួកគេហ៊ានសម្ដែងជាតួ Stunt ក្នុងឈុតវាយតប់ ឬហក់លោតប្រថុយគ្រោះថ្នាក់ជាទីបំផុត។

ហ្សង់ ប៉ូលី ( Jean-Paul Ly)៖ ជាតារាហូលីវូដកូនកាត់ខ្មែរបារាំងវ័យ ៣៣ ឆ្នាំ ធ្លាប់បានចូលរួមសម្ដែងនៅក្នុងភាពយន្តជាច្រើនរបស់ហូលីវូដក្នុងនាមជាតួវាយតប់។ ឆាប់ៗនេះរូបគេនឹងមកចូលរួមសម្ដែងក្នុងរឿង" Jailbreak” នៅប្រទេសកម្ពុជារបស់ផលិតកម្មកងចក្រផងជាមួយតារាខ្មែរដទៃទៀត ក្នុងតំណែងជាតួវាយតប់ដូចគ្នា ដែលជាលើកដំបូងរបស់លោកបន្ទាប់ពីបានបង្ហើយការងារសម្ដែងនៅទ្វីបអឺរ៉ុប។

ចាន់ ម៉ូរីស ( Maurice Chan)៖ មានឪពុកម្ដាយជាខ្មែរ និងបានទៅរស់នៅប្រទេសបារាំងតាំងពីក្មេងរហូតមកដល់បច្ចុប្បន្នមានវ័យ ៤០ ឆ្នាំហើយសព្វថ្ងៃជាប្រធានក្រុម Cascade Demo។ លោកធ្លាប់ចូលរួមសម្ដែងក្នុងភាពយន្តវាយតប់ជាច្រើនជាមួយតារាល្បីៗដូចជា Jack Ly, Rambo ជាដើម។ បច្ចុប្បន្ន ម៉ូរីស កំពុងស្ថិតនៅប្រទេសកម្ពុជា ដើម្បីពិភាក្សាពីការសម្ដែងភាពយន្ត និងសិក្សាពីគម្រោងបើកកន្លែងបង្ហាត់ហក់លោតក្លាយជាតួ Stunt នៅទីនេះ។

ណុប ដារ៉េន (Daren Nop)៖ ក៏ជាសមាជិកក្រុម Cascade Demo ដែរ ហើយធ្លាប់បានសម្ដែងក្នុងភាពយន្តហូលីវូដជាច្រើនក្នុងនោះភាពយន្តមានចំណងជើងថា" Lucy” ទទួលបានការពេញនិយមពេញពិភពលោកដោយរកចំណូលបានរាប់រយលានដុល្លារអាមេរិក។ លោកបានប្រាប់មកកាន់ Sabay ថា នោះជាភាពយន្តខ្នាតធំចុងក្រោយមួយ ដែលលោកបានចូលរួមសម្ដែងឱ្យក្រុម Stunt របស់លោក Jakie Chan(ឈិន ឡុង) និងតួ Stunt អាមេរិកផ្សេងទៀត៕