ឯក សុវណ្ណរ័ត្ន ធ្វើខួបជាមួយទារិកាវ័យ១ខួបម្នាក់

2016-04-27 17:36:29
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងជាតារាចម្រៀង ឯក សុវណ្ណរ័ត្ន បានធ្វើខួបកំណើតគម្រប់២៥ឆ្នាំរបស់ខ្លួនកាលពីយប់មិញ ក្នុងនោះអ្វីដែលជាការចាប់អារម្មណ៍ នាងបានយកក្មេងស្រីវ័យ១ឆ្នាំម្នាក់ ។

និយាយពីបញ្ហានេះ ប្អូនជីដូន១ លោក ឯក ស៊ីដេ ម្នាក់នេះបាន បញ្ជាក់ថា ក្មេងស្រីវ័យ១ឆ្នាំនោះ មិនមែនជាកូនរបស់នាងឡើយ ប៉ុន្តែគឺជាកូនមិត្តភ័ក្ដិរបស់ខ្លួនដែលអញ្ជើញមកពីប្រទេសជប៉ុន។

សុវណ្ណរ័ត្ន បានបន្តឲ្យដឹងថា នាងបានស្គាល់គ្រួសារខ្មែរមួយរស់នៅប្រទេសជប៉ុន គ្រាដែលនាងឡើងទៅច្រៀងនៅទីនោះ ហើយក៏បន្តរាប់អានគ្នារហូតមក។ ស្របពេលដែល នាងធ្វើខួប ចំកូនមិត្តភ័ក្ដិរបស់ខ្លួនកើតចំថ្ងៃតែមួយ ក៏បបួលធ្វើជុំគ្នាតែម្ដងទៅ។

ក្នុងពិធីខួបយប់មិញនេះ នាងបានឲ្យដឹងថា បានអញ្ជើញភ្ញៀវជិត១០០នាក់ ក្នុងនោះ មានអ្នកសិល្បៈជាងពាក់កណ្ដាល។ រាល់ការចំណាយទាំងអស់ សុវណ្ណរ័ត្ន បញ្ជាក់ថា មិនមានអ្នកណានៅពីក្រោយខ្នងឡើយ៕