IQ ជាក្រុមខ្លាំង Dota 2 តំណាងកម្ពុជាទៅប្រកួតនៅម៉ាឡេស៊ី
- 2016-05-19 15:56:39
- ចំនួនមតិ 0 | ចំនួនចែករំលែក 0
IQ ជាក្រុមខ្លាំង Dota 2 តំណាងកម្ពុជាទៅប្រកួតនៅម៉ាឡេស៊ី
ចន្លោះមិនឃើញ
ការប្រកួតជ្រើសរើសក្រុមខ្លាំងលើវិញ្ញាសាកីឡាអេឡិចត្រូនិក Dota 2 តំណាងឲ្យកម្ពុជាដើម្បីចូលរួមប្រកួតក្នុងកម្មវិធី ASEAN Games for eSports 2016 នៅប្រទេសម៉ាឡេស៊ីបានបញ្ចប់ហើយដោយបានទៅក្រុម IQ។
ការប្រកួតដែលបញ្ចប់ទៅកាលពីម្សិលមិញ ក្រុម IQ បានយកឈ្នះក្រុម Sky ដោយលទ្ធផល ២-០។ ការប្រកួតនេះមានក្រុមចូលរួមតែ២ក្រុមប៉ុណ្ណោះដោយសារតម្រូវឲ្យក្រុមដែលចូលរួមត្រូវមានលិខិតឆ្លងដែនជាចាំបាច់។ ការប្រកួតនេះមានការចូលរួមឧបត្ថម្ភពីហាងអ៊ីនធឺណេត Emipre ផងដែរ។
ក្រុម IQ នឹងតំណាងឲ្យប្រទេសកម្ពុជាសម្រាប់ប្រភេទកីឡាអេឡិចត្រូនិកដើម្បីធ្វើដំណើរទៅចូលរួមប្រកួតពានរង្វាន់កីឡា E-Sports អន្តរជាតិនៅប្រទេសម៉ាឡេសីដែលមានឈ្មោះថា ASEAN Games for eSports 2016។ ព្រឹត្តិការណ៍អន្តរជាតិនេះមានប្រទេសចូលរួមចំនួន៧គឺផ្ទះម៉ាឡេស៊ី សិង្ហបុរី ឥណ្ឌូណេស៊ី ហ្វីលីពីន ថៃ វៀតណាម និងកម្ពុជា ដែលនឹងប្រកួតនៅថ្ងៃទី២៨-២៩ ខែឧសភា ខាងមុខនេះ៕
អត្ថបទ៖ ជាន ចាន់រ៉ា