Mercedes មានគម្រោងនាំសិស្សនិស្សិត ស្វែងយល់ពីរមណីយដ្ឋានបេតិកភណ្ឌពិភពលោករបស់កម្ពុជា
- 2016-05-19 18:26:19
- ចំនួនមតិ 0 | ចំនួនចែករំលែក 0
Mercedes មានគម្រោងនាំសិស្សនិស្សិត ស្វែងយល់ពីរមណីយដ្ឋានបេតិកភណ្ឌពិភពលោករបស់កម្ពុជា
ចន្លោះមិនឃើញ
ក្រុមហ៊ុន ស្ដា អូតូ (ខេមបូឌា) ដែលជាតំណាងនាំចូល និងចែកចាយរថយន្តម៉ាក Mercedes- Benz ប្រចាំនៅកម្ពុជា បានបង្ហើបគម្រោងពិសេសមួយនៅឆ្នាំក្រោយ ដោយនាំសិស្សនិស្សិតចូលរួមកម្មវិធីដំណើរស្វែងយល់ពីរមណីយដ្ឋានបេតិកភណ្ឌពិភពលោករបស់កម្ពុជានៅតាមបណ្ដាខេត្តឆ្ងាយៗ។
លោក ឃុន ចាន់ថា នាយកគ្រប់គ្រងផ្នែកលក់ និងទីផ្សាររបស់ក្រុមហ៊ុន ស្ដា អូតូ (ខេមបូឌា) បានឱ្យដឹងថា បន្ទាប់ពីបញ្ចប់បេសកកម្មបានយ៉ាងជោគជ័យក្នុងដំណើរផ្សងព្រេងនៅតាមបណ្ដាខេត្តជាប់ព្រំដែន កម្ពុជា ឡាវ និងថៃ ក្រុមការងាររបស់លោកអាចនឹងមានកម្មវិធីពិសេសមួយទៀតនៅចុងឆ្នាំនេះ ឬឆ្នាំក្រោយ ដោយហៅសិស្ស និស្សិតតាមសាលាមួយចំនួនធ្វើដំណើរផ្សងព្រេងជាមួយ Mercedes- Benz ម្ដង ដោយគម្រោងមួយនេះនឹងធ្វើឱ្យធំជាងឆ្នាំនេះ ២ ទៅ ៣ ដងឯណោះ។
ការបង្ហើបពីគម្រោងនេះ ក្នុងពេលដែលលោកបានដឹកនាំអ្នកសារព័ត៌មានមកពីច្រើនស្ថាប័នកាលពីពេលថ្មីៗនេះចូលរួមធ្វើដំណើរផ្សងព្រេងក្នុងន័យស្វែងយល់ពីរមណីយដ្ឋានបេតិកភណ្ឌពិភពលោករបស់កម្ពុជា។
ដំណើរកម្សាន្តនេះ ក្រុមហ៊ុនបានយកឡាន ២ គ្រឿងតម្លៃជាង ៣០ ម៉ឺនដុល្លារជាមួយអ្នកចូលរួមជិត ១០នាក់ ដោយធ្វើដំណើរឆ្លងកាត់ខេត្ត ៣ គឺកំពង់ធំ ព្រះវិហារ និងស្ទឹងត្រែង ដើម្បីស្វែងយល់ពីសក្តានុពលទេសចរខេត្តទាំងនោះ ដើម្បីផ្សព្វផ្សាយដល់ភ្ញៀវជាតិនិងអន្តរជាតិមកទស្សនា។
អត្ថបទ៖ មុន្នី រម្យ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
