ស្ដាប់កូនខ្មែរសញ្ជាតិអាមេរិក Virginia Prak និយាយពីជីវិតពិត

2016-05-23 17:40:02
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនខ្មែរសញ្ជាតិអាមេរិក Virginia Prak ដែលបានជាប់ជយលាភីលេ២ Miss Global ២០១៥ កាលពីពេលកន្លងទៅបានរៀបពីប្រវត្តិនៃជីវិតពិតក្នុងបទសម្ភាសន៍ពិសេសមួយជាមួយ Sabay ។ មានវ័យ២២ឆ្នាំ នាងអាចនិយាយខ្មែរបានតិចៗ ប៉ុន្តែស្ដាប់បានច្រើន។

ជយលាភីលេ២ Miss Global ២០១៥បានរៀបរាប់ឲ្យដឹងថា ម្ដាយរបស់នាងគឺជាជនជាតិខ្មែរមានស្រុកកំណើត ក្នុងខេត្ត កំពង់ស្ពឺ ចំណែកឪពុកកាត់ចិនតិចៗ ជាអ្នកខេត្ត តាកែវ។ ក្រុមគ្រួសារVirginia Prak បានចេញទៅរស់នៅសហរដ្ឋអាមេរិកតាំងពីនាងមិនទាន់ចាប់កំណើតមកម្ល៉េះ។ នាងគឺកូនពៅ ក្នុងចំណោមបងប្អូន៣នាក់ ។

ដោយសារតែមានឈាមជ័រជាខ្មែរ Virginia Prak បានបណ្ដុះចិត្តស្រលាញ់ចូលចិត្តប្រពៃណីវប្បធម៌ខ្មែរតាំងពីដឹងក្ដីមកម្ល៉េះ។ នាងបានសិក្សារបាំប្រពៃណីវប្បធម៌ខ្មែរក្នុងវ័យ៦ឆ្នាំ ដោយបច្ចុប្បន្នបានចេះ និងអាចសម្ដែងបានរបាំជាច្រើនមានដូចជា របាំអប្សរា របាំជូនពរ របាំរាមកេរ្តិ៍ ទេពមនោរម្យ របាំផ្លយសួយ របាំផ្លិត របាំគោះត្រឡោក របាំនេសាទ ជាដើម។

ចំពោះការសិក្សាចំណេះដឹងទូទៅវិញ Virginia Prak បានសិក្សាដល់ឆ្នាំទី២ នៅសាកលវិទ្យាល័យមួយនៅសហរដ្ឋអាមេរិក។ ដោយសារតែជាប់ជយលាភីលេខ២ Miss Global ២០១៥ នាងត្រូវព្យួរការសិក្សារយៈពេល១ឆ្នាំសិន ដោយបន្តការសិក្សានៅឆ្នាំក្រោយ។

Virginia Prak បន្តថា នាងធ្លាប់បានមកប្រទេសកម្ពុជាចំនួន៣លើកមកហើយ ប៉ុន្តែ២លើកកន្លងទៅដែលនាងមកជាលក្ខណៈក្រុមគ្រួសារប៉ុណ្ណោះ។

កាលពីពេលថ្មីៗនេះ នាងរួមជាមួយជយលាភី Miss Global ២០១៥ ចំនួន៣នាក់ផ្សេងទៀត បានមកទស្សនកិច្ចប្រទេសកម្ពុជា។ ក្នុងដំណើរទស្សនិកជននេះ នាងបានចូលរួមការប្រគំតន្ត្រីសប្បុរសធម៌មួយ ជាមួយតារាល្បីៗមួយចំនួនទៀតដោយទទួលបានទឹកប្រាក់ជាង៣ម៉ឺនដុល្លារ ដើម្បីបរិច្ចាគទៅមន្ទីរពេទ្យកុមារអង្គរ និងមន្ទីរពេទ្យគន្ធបុប្ផា។ តាមគម្រោង Virginia Prak គ្រោងទៅសហរដ្ឋអាមេរិកមិញនេះ ថ្ងៃទី៣១ ខែ ឧសភា ឆ្នាំ ២០១៦ ខាងមុខនេះ។

ខាងក្រោមនេះ គឺជាខ្លឹមសារទាំងស្រុងរបស់ Virginia Prak ដែលបានរៀបរាប់ពីជីវិតពិតរបស់ខ្លួន និងផែនការទៅថ្ងៃអនាគតរបស់នាង៕