PeypeyDy មានស្នាមសាក់លើខ្លួន៣ គ្រោងថែម២កន្លែងទៀត

2016-05-27 13:48:38
ចំនួនមតិ 0 | ចំនួនចែករំលែក 0

ចន្លោះមិនឃើញ

Peypey Dy ត្រូវបានគេដឹងថា លើដងខ្លួនរបស់តារារូបនេះមានស្នាមសាក់រហូតដល់ទៅ៣កន្លែងរួចទៅហើយ ហើយឆាប់ៗខាងមុខនេះ លោកប្រាប់ថា គ្រោងសាក់២កន្លែងទៀត។

២កន្លែងដែល Peypey Dy គ្រោងសាក់នោះ គឺនៅត្រង់ខ្នងមួយកន្លែង និង នៅដើមទ្រូងមួយកន្លែង។ លោកបានបញ្ជាក់ឲ្យដឹងថា នៅនៅត្រង់ខ្នង ចង់សាក់ថ្ងៃខែឆ្នាំកំណើត ដែលខ្លួនកើត ចំណែកនៅដើមទ្រូង គឺសាក់ពាក្យថា ស្រលាញ់ម៉ាក់។

បច្ចុប្បន្នស្មាមសាក់ទាំង៣កន្លែងដែលមានលើដងខ្លួន "Peypey Dy" សុទ្ធតែស្នាមសាក់ជាភាសាអង់គ្លេសនៅកន្លែងផ្សេងៗគ្នា និងអត្ថន័យផ្សេងៗគ្នាទាំងអស់ ។

ទី១ លោកបានធ្វើនៅត្រង់ក្រោមកដៃខាងស្ដាំ ដោយសរសេរជាភាសាអង់គ្លេស Freedom ដែលមានន័យជាភាសាខ្មែរ “សេរីភាព”។

ទី២ នៅត្រង់ខាងដើមដៃខាងឆ្វេង ជាភាសាអង់គ្លេស "Be Yourself" មានន័យជាភាសាខ្មែរ “ធ្វើអ្វីៗដោយខ្លួនឯង”។

ទី៣ នៅត្រង់ក ក្រោមត្រចៀកខាងឆ្វេង ដោយសរសេរជាអក្សរ "D" ដែលសំគាល់ថា ជាឈ្មោះរបស់លោកតែម្ដង។

Peypey Dy បញ្ជាក់ថា គម្រោងសាក់២កន្លែងបន្ថែមទៀតខាងលើ មិនមែនជាការសាក់ចុងក្រោយរបស់លោកឡើយ អាចនឹងសាក់បន្ថែមកន្លែងផ្សេងៗទៀត ប្រសិនបើគិតថា ស្អាតហើយពេញចិត្តនោះ៕