Virginia Prak យកសម្ភារៈសិក្សាទៅជូនសិស្សខ្វះខាត
- 2016-05-30 17:41:11
- ចំនួនមតិ 0 | ចំនួនចែករំលែក 0
Virginia Prak យកសម្ភារៈសិក្សាទៅជូនសិស្សខ្វះខាត
ចន្លោះមិនឃើញ
ស្រីស្អាត Virginia Prak បាននាំយកសម្ភារៈសិក្សាមួយចំនួនយកទៅចែកប្អូនៗសិស្សវិទ្យាល័យដាច់ស្រយាលមួយកន្លែងក្នុងខេត្តកំពង់ឆ្នាំង។
ពេលទៅដល់សាលារៀនដែលមានជញ្ជាំង និងដំបូលស័ង្កសីពីរបន្ទប់នោះ កូនខ្មែរសញ្ជាតិអាមេរិក ជាជយលាភីលេខ ២ Miss Global 2015 មានអារម្មណ៍ក្ដុកក្ដួល និងបានផ្ដល់ជាដំបូន្មានខ្លះទៅដល់ប្អូនៗសិស្សវិទ្យាល័យ ព្រះពៃស្រពណ៌ស្ថិតក្នុងភូមិ កំពង់បាស្រូវ ឃុំ ជលសា ស្រុកជលគិរី ខេត្តកំពង់ឆ្នាំង ឲ្យខិតខំប្រឹងប្រែងរៀនសូត្រ និងដើរតាមក្ដីស្រមៃរបស់ខ្លួនដើម្បីអនាគតភ្លឺស្វាងនាថ្ងៃខាងមុខ។
Virginia ក៏បានកោតសរសើរ ចំពោះទឹកចិត្តប្អូនៗដែលបានតស៊ូក្រេបយកចំណោះវិជ្ជា ទោះជាមិនមានសម្ភារទំនើបសិក្សាដូចសិស្សដទៃក៏ដោយ។ មិនត្រឹមតែប៉ុណ្ណោះ ស្រីស្អាតសម្បុរសណ្ដែកបាយខាងលើ បានសន្យាថា ពេលត្រឡប់ទៅអាមេរិកវិញនាងនឹងស្វះស្វែងរក Found បន្ថែម ដើម្បីបានមកជួយៗប្អូនពេលក្រោយទៀត។
អំណោយសប្បុរសធម៌របស់នាងកាលពីសប្ដាហ៍មុននោះ រួមមានឯកសណ្ឋានសិស្ស សម្ភារៈសិក្សាមានដូចជាប៊ិច ខ្មៅដៃ សៀវភៅ បន្ទាត់ និងរបស់របរមួយចំនួនទៀត៕
អត្ថបទ៖ទ្រី រ៉ាវី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
