ចិនរឹតបន្តឹងការចាក់ផ្សាយកម្មវិធីបរទេស ដើម្បីបង្កើនគំនិតច្នៃប្រឌិត
- 2016-06-21 18:23:24
- ចំនួនមតិ 0 | ចំនួនចែករំលែក 0
ចិនរឹតបន្តឹងការចាក់ផ្សាយកម្មវិធីបរទេស ដើម្បីបង្កើនគំនិតច្នៃប្រឌិត
ចន្លោះមិនឃើញ
ថ្មីៗនេះគណៈគ្រប់គ្រងប្រព័ន្ធផ្សព្វផ្សាយចិនបានដាក់ចេញនូវការកំណត់ដ៏តឹងរឹងលើការចាក់ផ្សាយកម្មវិធីទូរទស្សន៍ដែលយកលំនាំតាមកម្មវិធីបរទេស ដើម្បីបង្កើតភាពច្នៃប្រឌិតនៃការផលិតកម្មវិធីក្នុងស្រុក។
គណៈគ្រប់គ្រងបានលម្អិតពីការរឹតបន្តឹងនេះថា កម្មវិធីក្រៅស្រុកដែលទទួលបានសិទ្ធិក្នុងការនាំចូល នឹងមិនអនុញ្ញាតឲ្យចាក់ផ្សាយលើប៉ុស្តិ៍ទូរទស្សន៍ផ្កាយរណបជាបន្តទៀត លុះត្រាតែសូមការអនុញ្ញាតមុនពីរខែ។ ការកំណត់នេះបានដាក់សម្ពាធលើកម្មវិធីទូរទស្សន៍ដូចជា The Voice China ដែលទទួលបានសិទ្ធិផលិតពីក្រុមហ៊ុន Talpa Media របស់ប្រទេសហុល្លង់ និងកម្មវិធី Running Man យកលំនាំតាមកម្មវិធីដែលកំពុងចាក់ផ្សាយនៅប៉ុស្តិ៍ទូរទស្សន៍កូរ៉េខាងត្បូងជាដើម។
ការកំណត់នេះដែរមានន័យថាប៉ុស្តិ៍ទូរទស្សន៍ផ្កាយរណបទាំងអស់នឹងអនុញ្ញាតឲ្យចាក់ផ្សាយកម្មវិធីដែលទទួលបានសិទ្ធនាំចូលចំនួនពីរប៉ុណ្ណោះដោយអាចចាក់អំឡុងម៉ោងមាស គឺចាប់ពីម៉ោង ៧៖៣០ ដល់ ម៉ោង ១០៖៣០ យប់ ក្នុងមួយឆ្នាំ។
បទបញ្ជាថ្មីនេះគឺមានសារសំខាន់ដោយវាអាចជួយឲ្យសហគ្រាសទូរទស្សន៍ចិន លែងពឹងផ្អែកលើការនាំចូលកម្មវិធីពីបរទេស និងសង្ឃឹមថាអាចបណ្ដុះគំនិតច្នៃប្រឌិតរបស់អ្នកបង្កើតកម្មវិធីក្នុងស្រុក៕
ចុចអាន៖ លីតឺហួ ក្លាយជាអ្នកជំនាញដោះគ្រាប់បែកក្នុងរឿងថ្មីជាមួយ Ron Ng
ប្រែសម្រួល៖ ហៃ សុខហេង ប្រភព៖ shanghaiist
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
