ខាត់ សុឃីម ប៉ងហៅបេក្ខជន The Voice ឃី សុឃុន ចូលក្រុម

2016-06-23 17:34:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ខាត់ សុឃីម បាននិយាយថា នាងប៉ងហៅបេក្ខជន ឃី សុឃុន ចូលក្រុមចម្រៀងរបស់ខ្លួនតាំងពីមុនពេលរូបគេចូលប្រកួតក្នុងកម្មវិធី The Voice Cambodia ទៅទៀត។

“ខ្ញុំអត់មានត្រូវយ៉ាងម៉េចទេ គ្រាន់តែជា Fan ផ្កាប់មុខរបស់ ឃី សុឃុន។ គាត់ជាក្មេងម្នាក់ស្លូតណាស់គិតថា ហៅគាត់ចូលក្រុម ហើយមិនទាន់ទាំងហៅផង ឥឡូវគេជាប់ The Voice បាត់"។ ខាត់ សុឃីម ថ្លែង។

អ្នកសិល្បៈរូបនេះអះអាងបន្តថា បានស្គាល់បេក្ខជនខាងលើជាយូរមកហើយតាមរយៈប្អូនប្រុសរបស់ខ្លួន ថែមទាំងប៉ងហៅចូលក្រុមរបស់ចម្រៀងរបស់ខ្លួនដោយជឿជាក់ថា កូនក្រុម Coach ឆន សុវណ្ណរាជ ខាងលើអាចជួយយឹតយោងក្រុមភ្លេងកាន់តែល្បីមួយកម្រិតទៀត។

ប៉ុន្តែ ខាត់ សុឃីម បន្ថែមថា គ្រប់យ៉ាងអាស្រ័យលើផលិតកម្មហង្សមាសប៉ុណ្ណោះ តើអនុគ្រោះកម្រិតណា? ព្រោះបើតាមនាងដឹងអ្នកជាប់ឈ្មោះជា Top4 គឺជាប់កុងត្រាជាមួយផលិតកម្ម។ ទោះបីជាយ៉ាងណា ថៅកែភ្លេង និងសម្អាងការដដែលបង្ហាញជំហរថា នឹងព្យាយាមទាក់ទងសាមីខ្លួនសាកលមើលសិន។

នាងបន្ថែមថា៖"ប្រសិនបើខាងផលិតកម្មគាត់យោគយល់ ១០០% ខ្ញុំហៅ ឃី សុឃុន ចូលក្រុមហ្មង សំខាន់ជាងគេមានពេលតែខ្លះៗក៏បានដែរ"៕

អត្ថបទ៖ សំ ជំនាញ

រូបថត៖ ហ្វេសប៊ុក ឃី សុឃុន