«ចន្ទ្រា» ភាពយន្តខ្មែរបទដ្ឋាន 4.5K នឹងចេញបញ្ចាំងក្នុងពេលឆាប់ៗនេះ

2016-07-10 15:10:12
ចំនួនមតិ 0 | ចំនួនចែករំលែក 0

ចន្លោះមិនឃើញ

«ចន្ទ្រា» ភាពយន្តខ្មែរបទដ្ឋាន4.5K កំពុងតែត្រៀមបង្ហាញខ្លួន ចាក់បញ្ចាំងជាផ្លូវការនៅ ថ្ងៃទី ០៩ ខែ ០៩ ឆ្នាំ២០១៦ ក្នុងប្រទេសកម្ពុជា និង ៥ប្រទេសផ្សេងទៀត ក្នុងនោះរួមមាន ប្រទេសថៃ វៀតណាម ម៉ាឡេស៊ី ប្រ៊ុយណេ និង ឡាវជាដើម។

នៅក្រោយពីការសម្រិតសម្រាំងជាងមួយឆ្នាំរបស់ផលិតកម្មអង្គរភីកឈ័រ Angkor Picture INCខ្សែភាពយន្តខ្នាតធំលំដាប់អន្តរជាតិមួយនេះ គឺជាការដាក់ទុនថ្មីបន្ទាប់ពីរឿង«ស្បែកគង់» ដែល បានល្បីកក្រកើកកាលពីឆ្នាំ ២០១៤ ក្នុងបទដ្ឋាន 4K ហើយស្នាដៃទី២នេះ អភិវឌ្ឍន៍បន្ថែមទៅជា4.5k។

អ្នកនិពន្ធ និង ដឹកនាំរឿងលោក ប៉ុល វិបូ ហៅនីត បានឲ្យ Sabay ដឹងនៅព្រឹកនេះថា «ចន្ទ្រា»ជាមោទកភាពជាតិថ្មីមួយលើវិស័យភាពយន្តត្រូវបទដ្ឋាន និងបច្ចុប្បន្នភាពដែលអ្នកទស្សនាកំពុងចង់បាន ហើយថា នេះជាមធ្យោបាយដែលនាំអោយភាពយន្តខ្មែរ ពណ៌សម្បុរខ្មែរ ប្រពៃណីទំនៀមទម្លាប់ខ្មែរស្នាដៃខ្មែរ អាចមានវត្តមានលើឆាកអន្តរជាតិ។

«យើងឃើញប្រទេសថៃមុនគេ! អ្នកយកព័ត៌មានថៃចាប់អារម្មណ៍ភាពយន្តនេះដោយសារការ ទទួលស្គាល់រួចមកហើយ នូវរឿងស្បែកគង់របស់យើង ពេលនេះទៀតយើងមិនទាន់ដាក់ទៅលើទីផ្សារផង គេបានចេញផ្សាយនិយាយអំពីយើងរួចទៅហើយ! បេសកកម្មសំខាន់ គឺនៅពេលយើងអាចមានអ្វីមួយដាក់ទៅបង្ហាញបរទេស ក្នុងខណៈដែលភាពយន្តបរទេសកំពុងកាន់កាប់រោងភាពយន្តយើងក្នុងកម្រិតអប្បបរិមា»។

លោកនីតបានអោយដឹងបន្ថែមទៀតថា ក្រុមហ៊ុនបានដាក់ទុនច្រើនទាំងធនធានមនុស្ស និងថវិកានៅក្នុងគម្រោងនឹងធ្វើអោយរឿងថ្មីនេះឈរជើងបានជាភាពយន្តប្រចាំឆ្នាំ ២០១៦ របស់កម្ពុជា។ តួអង្គសំខាន់ៗសម្ដែងក្នុងភាពយន្តរឿង«ចន្ទ្រា»រួមមាន តារាស្រី ម៉ាក សែនសូនីតា លោក ញ៉ែមសុគន្ធ លោកទេព រិនដារ៉ូ តារាស្រីចន ច័ន្ទលក្ខិណា និងតារាកំប្លែងល្បីៗជាច្រើនរូបទៀត៕

អត្ថបទ៖ វិបុត្រ