កីឡាករវ័យក្មេង៦នាក់ លេចធ្លោបំផុតនៅ Euro 2016
- 2016-07-12 13:07:44
- ចំនួនមតិ 0 | ចំនួនចែករំលែក 0
កីឡាករវ័យក្មេង៦នាក់ លេចធ្លោបំផុតនៅ Euro 2016
ចន្លោះមិនឃើញ
Euro 2016 បានបញ្ចប់ជាផ្លូវការហើយ ដោយព័រទុយហ្គាល់ ជាក្រុមដែលទទួលបានពានរង្វាន់លើកដំបូងក្នុងប្រវត្តិសាស្ត្រ បន្ទាប់ពីឈ្នះម្ចាស់ផ្ទះបារាំង ១-០។ ប៉ុន្តែប្រិយមិត្តដឹងទេថា តើកីឡាករវ័យក្មេងណាខ្លះ លេងបានល្អបំផុតក្នុងព្រឹត្តិការណ៍នេះ? Sabay សូមបង្ហាញជូន៦នាក់ ខាងក្រោម៖
Sanches បានដូរចូលនៅតង់ទី២ កាលប៉ះក្រុមអ៊ីស្លង់ ហុងគ្រី និងក្រូអាត ប៉ុន្តែរូបគេបានជាប់ជម្រើសដំបូង ពេលប៉ះប៉ូឡូញ ហើយអាចស៊ុតចូលទី១គ្រាប់ក្នុងប្រកួតនោះ។ ក្រោយមកគ្រូបង្វឹកព័រទុយហ្គាល់ ក៏ផ្ដល់ឱកាសឲ្យខ្សែបម្រើវ័យ១៨ឆ្នាំរបស់ក្លឹប Bayern Munich រូបនេះ ជាប់ជម្រើសដំបូងទៀត ពេលប៉ះបារាំង វគ្គផ្ដាច់ព្រ័ត្រ និងបានជាប់ឈ្មោះជាកីឡាករវ័យក្មេងល្អបំផុត ក្នុងព្រឹត្តិការណ៍នេះ។
២. Samuel Umtiti – បារាំង (២២ឆ្នាំ)
ខ្សែការពារថ្មីក្រុម FC Barcelona រូបនេះ មានឱកាសបង្ហាញខ្លួនឲ្យជម្រើសជាតិបារាំង បន្ទាប់ពី Raphael Varane និង Jeremy Mathieu របួស ខណៈដែល Mamadou Sakho របស់ក្លឹប Liverpool ជាប់ទាក់ទងរឿងសារធាតុហាមឃាត់។ ប៉ុន្តែអតីតកីឡាករក្រុម Lyon រូបនេះ លេងបានយ៉ាងល្អឲ្យជម្រើសជាតិនៅប្រកួតដំបូងរបស់ខ្លួនពេលប៉ះអ៊ីស្លង់ និងប៉ះអាល្លឺម៉ង់ ប៉ុន្តែចាញ់ផ្ដាច់ព្រ័ត្រ ប៉ះព័រទុយហ្គាល់។
៣. Joshua Kimmich – អាល្លឺម៉ង់ (២១ឆ្នាំ)
Kimmich បានលេងជម្រើសដំបូងនៅ Bayern Munich រដូវកាលមុន ហើយកីឡាកររូបនេះ បង្ហាញទម្រង់លេងយ៉ាងល្អនៅ Euro 2016 ដោយជាប់ជាខ្សែការពារស្ដាំជម្រើសដំបូងរបស់អាល្លឺម៉ង់ ជំនួស Benedikt Howedes ហើយលេងដោយមានទំនុកចិត្តបំផុត គ្មានភាពភ័យខ្លាចអ្វីឡើយ។
៤. Raphael Guerreiro – ព័រទុយហ្គាល់ (២២ឆ្នាំ)
ខ្សែការពារឆ្វេងរូបនេះ ធ្លាប់ត្រូវក្លឹប Liverpool និង Arsenal ចាប់អារម្មណ៍មុន Euro 2016 ប៉ុន្តែទីបំផុតក្លឹបអាល្លឺម៉ង់ Borussia Dortmund ទិញពី Lorient បានមុន២ថ្ងៃ មុនឡើងយន្តហោះទៅលេងនៅ Euro។ Guerreiro ជាកីឡាករមានល្បឿនលឿន បង្កើតឱកាសបានច្រើន និងជាតួអង្គដ៏សំខាន់ ដែលជួយឲ្យព័រទុយហ្គាល់លើកពាន។
៥. Adam Nagy – ហុងគ្រី (២១ឆ្នាំ)
ខ្សែបម្រើកណ្ដាលវ័យក្មេង Nagy (ឈុតពណ៌ស, លេខ៨) ដែលធ្លាប់ក្លឹប Leicester City ចាប់អារម្មណ៍រូបនេះ លេងបានយ៉ាងល្អ ជួយឲ្យហុងគ្រី ឈរលេខ១ក្នុងពូល F មុនពេលចាញ់បែលហ្សិក ៤-០ នៅវគ្គ១៦ក្រុម។
៦. Julian Draxler – អាល្លឺម៉ង់ (២២ឆ្នាំ)
Draxler ជាសមាជិកម្នាក់របស់អាល្លឺម៉ង់ ដែលឈ្នះ World Cup 2014 ប៉ុន្តែនេះជាលើកដំបូង ដែលគេលេងបានច្រើននៅពានរង្វាន់ធំ។ តារាឆ្នើមក្រុម VfL Wolfsburg លេងនៅស្លាបឆ្វេងរបស់អាល្លឺម៉ង់ជាច្រើនប្រកួត និងលេងបានយ៉ាងល្អ មុនចាញ់បារាំង នៅវគ្គពាក់កណ្ដាលផ្ដាច់ព្រ័ត្រ៕
ប្រែសម្រួល៖ វិន ជីវ័ន្ត ប្រភព៖ Sky Sports