Homeless World Cup កម្ពុជា ឈ្នះអាហ្សង់ទីន ១-០ ម្សិលមិញ
- 2016-07-12 17:02:21
- ចំនួនមតិ 0 | ចំនួនចែករំលែក 0
Homeless World Cup កម្ពុជា ឈ្នះអាហ្សង់ទីន ១-០ ម្សិលមិញ
ចន្លោះមិនឃើញ
ការប្រកួតពានរង្វាន់ Homeless World Cup 2016 កាលពីម្សិលមិញនេះ ក្រុមតំណាងឱ្យកម្ពុជា បានយកឈ្នះក្រុមយុវជនរបស់អាហ្សង់ទីនដោយលទ្ធផល ១-០ ក្នុងប្រកួតទី២របស់ខ្លួននៅទីក្រុង Glasgow ប្រទេសស្កុតឡែន។
ក្នុងការប្រកួតពានរង្វាន់នេះ កម្ពុជាស្ថិតក្នុងពូល G ជាមួយក្រុម៥ប្រទេសផ្សេងទៀត ខណៈដែលក្រុមកម្ពុជាប្រកួតបាន២ប្រកួតមកហើយ ដោយប្រកួតបើកឆាកចាញ់ក្រុមឥណ្ឌា ដោយលទ្ធផល ៦-៥ ហើយកាលពីម្សិលមិញឈ្នះក្រុមអាហ្សង់ទីន ១-០ ។
កម្ពុជានឹងសល់៣ប្រកួតទៀត ដោយត្រូវប៉ះជាមួយក្រុមមិចសិកូ ឥណ្ឌូនេស៊ី និងក្រុម ប៊ូរគីណាហ្វាសូ ក្នុងការប្រកួតសន្សំពិន្ទុពូល G នេះ។ ខណៈដែលពានរង្វាន់នេះ ដំណើររហូតដល់ថ្ងៃទី១៦ទើបបញ្ចប់ ហើយមាន៤៨ក្រុមចូលរួមផ្នែកបុរស និង១៦ក្រុមចូលរួមផ្នែកនារី។
កម្ពុជាបញ្ចូនកីឡាករទៅតែមួយផ្នែកទេ គឺផ្នែកបុរស ដោយមានការជ្រោមជ្រែងទាំងស្រុងពីសំណាក់ក្រុមហ៊ុនទូរសព្ទ Smart ហើយក្រុមដែលទៅនោះក៏មានឈ្មោះថា ក្រុមស្មាតកម្ពុជា។
ពានរង្វាន់ខាងលើនេះដែរ បង្កើតឡើងដើម្បីបញ្ចប់នៅភាពអនាថា និងមានគោលបំណងផ្ដល់កម្លាំងចិត្តដល់ជនអនាថាទាំងអស់ ក្នុងការផ្លាស់ប្ដូរជីវិតរបស់ពួកគេ។ Homeless World Cup ដំណើរការតាមរយៈបណ្ដាញនៃដៃគូជាង៧០ប្រទេស ហើយឆ្នាំនេះជាឆ្នាំទី១៤ហើយ។
ចំពោះរូបមន្តការប្រកួតវិញ ត្រូវបានផ្អែកទៅលើច្បាស់របស់ FIFA ប៉ុន្តែត្រូវបានលេងលើទីលានតូចជាងទីលានធម្មតា ដែលមានទំហំជិតស្មើនឹងទំហំទីលានបាល់ទាត់ហ្វូតសាល។ ការប្រកួតមានរយៈពេល១៤នាទី ដោយមួយតង់ៗមាន៧នាទី អាចសម្រាកបាន១នាទី។ ក្រុមនីមួយៗដែលចុះឈ្មោះប្រកួត អាចដាក់កីឡាករច្រើនបំផុត៨នាក់ ហើយការប្រកួតមានកីឡាករក្នុងទីលាន៤នាក់ ៤នាក់ទៀតនៅក្រៅទីលាន អាចផ្លាស់ប្ដូរបានតាមចិត្ត៕
ប្រែសម្រួល៖ មុន្នី រម្យ ប្រភព៖ BBC
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
