Payet សម្រេចនៅ West Ham ១០០% មិនចាកចេញនោះទេ
- 2016-07-15 16:56:21
- ចំនួនមតិ 0 | ចំនួនចែករំលែក 0
Payet សម្រេចនៅ West Ham ១០០% មិនចាកចេញនោះទេ
ចន្លោះមិនឃើញ
Dimitri Payet បានចេញមកអះអាងថា ១០០% ខ្លួននឹងបន្តនៅជាមួយក្លឹប West Ham United រដូវកាលថ្មីនេះពោលគឺមិនចាកចេញទៅណានោះទេ។
ការលើកឡើងរបស់កីឡាករវ័យ២៩ឆ្នាំ បន្ទាប់ពីព័ត៌មានជាច្រើនផ្សាយថារូបគេអាចនឹងចាកចេញទៅកាន់ក្លឹប ផ្សេង ពិសេសគឺ Real Madrid ដោយសារបង្ហាញទម្រង់លេងយ៉ាងល្អជាមួយក្រុមមាន់គកបារាំងកាលពីប្រកួតអឺរ៉ូ។
យ៉ាងណាក៏ដោយខ្សែបម្រើប្រយុទ្ធ ដែលសល់កុងត្រាជាមួយ West Ham ដល់ឆ្នាំ ២០២១ បានឲ្យដឹងថាគេគ្មានគម្រោងចាកចេញពីទ្រនំចាស់ឡើយ។ "ខ្ញុំលឺព័ត៌មានពីការចាប់អារម្មណ៍របស់ក្លឹបនានា ខ្ញុំពិតជាមានមោទនភាព តែខ្ញុំស្រលាញ់ West Ham។ ពួកយើងបញ្ចប់រដូវកាលដ៏អស្ចារ្យ ហើយខ្ញុំពិតជាអន្ទះសាចង់លេងនៅកីឡដ្ឋានថ្មី Olympic Stadium។ ១០០ ភាគរយខ្ញុំនឹងនៅ West Ham បន្តទៀត ខ្ញុំស្រលាញ់ក្លឹប ខ្ញុំចង់ប្រាប់អ្នកគាំទ្រទាំងអស់ដូច្នេះ។" Payet ឆ្លើយតបក្នុងកិច្ចសម្ភាសន៍ជាមួយ The Sun៕
ប្រែសម្រួល៖ វីរ៉ុត ប្រភព៖ Goal