Lenovo ទិញ Motorola ពី Google បានសម្រេច

2014-10-31 16:34:04
ចំនួនមតិ 0 | ចំនួនចែករំលែក 0

ចន្លោះមិនឃើញ

យប់មិញនេះ Lenovo បានប្រកាសថា Motorola បានក្លាយជាក្រុមហ៊ុនចំណុះឲ្យខ្លួនហើយ ក្រោយការព្រមព្រៀងទិញលក់ជាមួយ Google ធ្វើចប់សព្វគ្រប់។ ក្រុមហ៊ុនទាំងពីរបានប្រកាសព្រមគ្នាថា ការទិញយក Motorola ពីសំណាក់ Lenovo នេះគឺបានបញ្ចប់ក្នុងតម្លៃ ២,៩១ ពាន់លានដុល្លារ។

ការទិញយកនេះធ្វើឲ្យ Lenovo ក្លាយជាក្រុមហ៊ុនផលិត Smartphone ធំបំផុតទី ៣ ក្នុងលោក ហើយនេះប្រហែលជាគម្រោងអនាគតរបស់ក្រុមហ៊ុនផលិតកុំព្យូទ័រមួយនេះក្នុងការប្រជ្រៀតខ្លួនចូលទៅក្នុងទីផ្សារ Smartphone។ ស្របគ្នានេះដែរ កិច្ចព្រមព្រៀងថ្មី អាចឲ្យ Lenovo គ្រប់គ្រងទៅលើផ្នែកទូរសព្ទប៉ុណ្ណោះ ចំណែកផ្នែកផ្សេងទៀតគឺស្ថិតនៅជារបស់ Motorola និងដំណើរការធម្មតាដដែល។

Google បានទិញយក Motorola ក្នុងឆ្នាំ ២០១២ ក្នុងតម្លៃ ១២,៥ ពាន់លានដុល្លារ ហើយការធ្លាក់ចុះចំនួនលក់នៃ Smartphone របស់ខ្លួននៅលើទីផ្សារអាចជាមូលហេតុដែល Google ឈានដល់ដំណាក់កាលបោះបង់ជំនួញទូរសព្ទមួយនេះ។ ទោះជា Motorola ត្រូវបាន Lenovo ទិញយកក្ដីតែក្នុងកិច្ចព្រមព្រៀង Google នៅតែមានចំណែកនៃប៉ាតង់របស់ Motorala មួយចំនួនដដែល៕

អាន៖ ចេះប៉ុន្មានក្បាច់នេះ ធានាថាថតរូបនឹងទូរសព្ទកាន់តែទាក់ទាញ

ប្រែសម្រួល៖ សីហា ប្រភព៖ droid-life, entrepreneur