ឈរទិញសំបុត្រកុនសុខៗ ឈ្នះទូរទស្សន៍ LED មួយគ្រឿងពីរោងកុន Major Cineplex by Cellcard

2016-07-24 22:50:04
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលល្ងាចថ្ងៃសៅរ៍កន្លងទៅនេះ រោងភាពយន្ត Major Cineplex by Cellcard បានប្រារព្ធខួប២ឆ្នាំ និងមានការចាប់រង្វាន់ធំទូរទស្សន៍ LED មួយគ្រឿង។ អតិថិជនម្នាក់ឈ្មោះ មាន ជាអ្នកមានសំណាងឈ្នះរង្វាន់ទូរទស្សន៍នេះ ហើយនាងប្រាប់ថារំភើប និងភ្ញាក់ផ្ញើលយ៉ាងខ្លាំង ដែលសុខៗបានឈ្នះរង្វាន់ទូរទស្សន៍ LED មួយគ្រឿងពីរោងភាពយន្ត Major cineplex by cellcard ទាំងមិនបានដឹងខ្លួនទាល់តែសោះ។

កញ្ញា មាន អ្នកឈ្នះរង្វាន់ទូរទស្សន៍ LEDមួយគ្រឿងពី Major cineplex by cellcard

វីដេអូ កញ្ញា មាន ត្រូវបានក្រុមការងារ Sabay លួចថតពេលនាងកំពុងទិញសំបុត្រ

"ពិតជារំភើបណាស់បង គ្រាន់តែឈរទិញសំបុត្រកុនចាំចូលមើលរឿង ក៏បានឈ្នះរង្វាន់ដែរ។ ដំបូងខ្ញុំស្រឡាំងកាំងដែរ ពេលទិញសំបុត្ររួចមានមនុស្សម្នាក់ឲ្យខ្ញុំឈរចាំគេ បន្តិចក្រោយមកគេឲ្យខ្ញុំឡើងទៅលើឆាក ខួប២ឆ្នាំរបស់ Major បន្ទាប់មកគេថាខ្ញុំឈ្នះរង្វាន់ទូរទស្សន៍មួយគ្រឿង ភ័យផង អរផងបង ព្រោះធំមកដល់ប៉ុណ្ណេះមិនដែលចេះឈ្នះរង្វាន់អីហ្នឹងគេទេ"។

សម្រាប់អតិថិជនដែលឈ្នះ ទូរទស្សន៍ មួយរូបខាងលើគឺជាអ្នកឈ្នះក្នុងសប្តាហ៍ដំបូង ដែលរោងភាពយន្ត Major cineplex by cellcard បានផ្តល់ជូន។ រោងភាពយន្តនឹងផ្ដល់ជូនរង្វាន់បន្តបន្ទាប់ប្រចាំ សប្តាហ៍នីមួយៗសម្រាប់រង្វាន់ធំគឺរថយន្ត BMW X3 ចាប់ពីសប្ដាហ៍ដំបូងនេះរហូតដល់សប្ដាហ៍ទី២១។ រង្វាន់សរុបគិតចាប់ពីថ្ងៃទី២៣ ខែកក្កដា រហូតដល់ថ្ងៃទី២៤ខែធ្នូ២០១៦ ខាងមុខនេះសរុបទឹកប្រាក់ជាង១២ម៉ឺនដុល្លារ។ កម្មវិធីនេះចូលរួមឧបត្ថម្ភធំដោយក្រុមហ៊ុន BMW និង Cellcard ជាមួយនឹងបណ្ដាដៃគូជាច្រើនទៀតដូចជា ក្រុមហ៊ុន ស្រាបៀរ Angkor ក្រុមហ៊ុន Coca cola ក្រុមហ៊ុនម៉ូតូ Yamaha និងធនាគារ Hongleong។

លោក សៅ សុខនី នាយកប្រតិបត្តិរោងភាពយន្ត Major Cineplex by cellcard មានប្រសាសន៍ថា ចំពោះលក្ខខណ្ឌចូលរួមដើម្បីទទួលបានឱកាសចាប់រង្វាន់រថយន្ត បងប្អូនទាំងអស់គ្នា៖

លោក សៅ សុខនី នាយកប្រតិបត្តិរោងភាពយន្ត Major Cineplex by cellcard

គ្រាន់តែទិញសំបុត្រកុន២សន្លឹក ឬកូកាកូឡា២កែវ ឬពោតលីង ២ប្រអប់ ឬស្រាបៀរអង្គរ២កំប៉ុង នឹងទទួលបាន សន្លឹកឆ្នោត ១សន្លឹក ដែលអាចផ្សងសំណាងបាន២ដង ពីរោងភាពយន្ត Major Cineplex by cellcard។ លើសពីនេះសម្រាប់អតិថិជនដែលមានសោរថយន្ត BMW ឬ សោម៉ូតូ Yamaha ឬ កាត ATM Hongleong ភ្ជាប់ជាមួយសំបុត្រកុន២សន្លឹក លោកអ្នកនឹងបានសន្លឹកឆ្នោតមួយសន្លឹកថែមទៀត។

ឱកាសខួប២ឆ្នាំ របស់រោងភាពយន្ត Major cineplex by cellcard ល្ងាចមិញនេះក៏មានវត្តមានតារាល្បីៗក្នុងព្រះរាជាណាចក្រកម្ពុជារួមមាន គង់ ចាន់ស្រីមុំ សុខ សីឡាលីន ព្រីម លីហ្សា អ៊ុន សិទ្ធា រ៉ូលីន គឹម សីហា ផងដែរ។ ក្នុងនោះតារា៣ដួង គង់ ចាន់ស្រីមុំ ព្រីម លីហ្សា និង រ៉ូលីន ទទួលបានឱកាសពិសេសដោយមានឈ្មោះសម្រាប់ចាប់រង្វាន់ធំ រថយន្ត BMW ដោយមិនចាំបាច់ធ្វើការបំពេញលក្ខខណ្ឌខាងលើនោះទេ។

លោក សៅ សុខនី បានបន្តឲ្យដឹងទៀតថា ដោយសារមានការគាំទ្រច្រើនពីសំណាក់បងប្អូន រោងភាពយន្ត Major Cineplex By Cellcard ក៏មានគម្រោងបង្កើតសាខាថ្មីនៅតាមបណ្ដាខេត្តទៀតផង។ រយៈពេល២ឆ្នាំនេះបើតាមតួលេខ អ្នកដែលមកចូលទស្សនានៅរោងភាពយន្ត មានលើសពី២លាននាក់ហើយ៕

ទស្សនាសកម្មភាពខួប២ឆ្នាំរោងភាពយន្ត Major Cineplex by Cellcard ល្ងាចមិញ៖