អ្នកវ័យកណ្ដាលចាប់ផ្ដើមបុកពោះរឿងភាសាអង់គ្លេស

2016-08-02 15:52:11
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកវ័យកណ្ដាលភាគច្រើនបានប្រាប់ថា មានពេលខ្លះមានអារម្មណ៍ថាដូចខ្មាសយុវវ័យរឿងភាសាអង់គ្លេសព្រោះក្មេងៗឥលូវភាគច្រើនចេះអង់គ្លេសនិយាយឡើងរឹល ខុសពីពួកគាត់មួយចំនួនមិនទាន់អាចប្រើភាសានេះបានល្អនៅឡើយ។

លោក ពុង ការ៉ា បុគ្គលិកនៅក្រុមហ៊ុនឯកជនមួយ បានប្រាប់ថា បើទោះលោកអាយុ២៨ឆ្នាំពិតមែន តែលោកថា បើធៀបជាមួយក្មេងៗយុវវ័យសព្វថ្ងៃ គឺនៅចាញ់ពួកគេ។

"ក្មេងៗឥលូវ អង់គ្លេសសាហាវណាស់ យើងនេះចាស់ចង់ខ្មាសគេម្ដងៗ"។ លោកបញ្ជាក់ថា លោកបានចំណាយពេលបន្ថែមនៅពេលយប់រៀនយកបរិញ្ញានៅសាលាឯកជនដើម្បីឲ្យភាសាអង់គ្លេសអាចប្រើបានងាយស្រួលក្នុងអាជីពការងារ។

កាលពីមុន គេគិតថាមានតែអ្នកធ្វើការទេ ទើបចាំបាច់ត្រូវការភាសាអង់គ្លេស។ តែបច្ចុប្បន្ន មិនដូច្នេះទេ ភាសាសាកលនេះ មានមុខងារសំខាន់ទាំងអ្នករកស៊ី សូម្បីអ្នករត់ម៉ូតូកង់បី ក៏ត្រូវការភាសាអង់គ្លេសមិនអាចខ្វះបានដែរ។ ជាក់ស្ដែង លោក សុង អ្នកប្រកបរបររត់ម៉ូតូកង់បី និយាយថា លោកក៏បានចំណាយពេលទំនេរពីការរកស៊ីនេះ ដើម្បីរៀនអង់គ្លេសដែរ ព្រោះពេលភ្ញៀវបរទេសត្រូវការ គឺងាយស្រួលទំនាក់ទំនងគ្នា។

បុរសអាយុ៣១ ឆ្នាំ បន្តថា ៖ "អង់គ្លេសខ្ញុំគ្រាន់តែនិយាយស្ដាប់គ្នាបានខ្លះពេលម៉ូយបរទេសត្រូវការជិះទៅណាប៉ុណ្ណោះ តែបើថាឲ្យចេះខ្លាំងគឺអត់ឡើយ"។

សម្រាប់ កង ពុជជាតា បច្ចុប្បន្នអាយុ១៥ឆ្នាំ បានប្រាប់ថា អ្នកម្ដាយរបស់ជាតាបញ្ជូនឲ្យរៀនភាសាអង់គ្លេសតាំងពីអាយុ៣ឆ្នាំនិងបានហក់ចូលរៀនសាលាឯកជនតាំងពីថ្នាក់ទី៦។

យុវជនដែលទើបទទួលបានវិញ្ញាបនបត្រកម្រិតភាសាអង់គ្លេស TOFEL នៅសាលាវេសឡាញ តបថា ការរៀនអង់គ្លេសតាំងពីក្មេងបែបនេះមិនត្រឹមតែឆាប់ចាប់បាននោះទេ និងថែមទាំងចំណេញពេលវេលាទៀតផង។ "នៅពេលធំឡើងយើងនឹងប្រាកដថា យើងអាចនិយាយនិងស្ដាប់ភាសាដ៏ពេញនិយមនេះបាន ហើយឱកាសការងារប្រាក់ខែខ្ពស់ក៏ងាយទទួលបានដូចគ្នា"។

ចំពោះលោក ប៉ិច ប៉ូឡែន នាយកប្រតិបត្តិក្រុមហ៊ុន វេសឡាញ ប្រាប់ថា ភាសាអង់គ្លេសនាពេលបច្ចុប្បន្ន អាចថាលែងជាភាសាបរទេសទៀតហើយ។ គេចាត់ទុកថាជាភាសាទី២ ព្រោះវាមានសារសំខាន់ខ្លាំងក្នុងអាជីពការងារ រៀនសូត្រ និងមុខជំនួញ។

លោក ប៉ិច ប៉ូឡែន នាយកប្រតិបត្តិក្រុមហ៊ុន វេសឡាញ

លោកថា វាអាចជារឿងលំបាកនិងពិបាកខ្លាំងសម្រាប់អ្នកមិនចេះអង់គ្លេសនាពេលបច្ចុប្បន្ន ព្រោះភាសានេះបានប្រើយ៉ាងទូលាយទៅហើយ។ លោកមើលឃើញថា ក្មេងៗនាពេលសព្វថ្ងៃ ភាគច្រើនប្រើប្រាស់ភាសានេះបានយ៉ាងល្អ។ ប្រសិនបើអ្នកមិនចេះអង់គ្លេស នោះនឹងបាត់ឱកាសជាច្រើន៕

សូមអាន៖ ជំនាញមួយណា មានឱកាសការងារខ្ពស់ជាងគេ? អត្ថបទ៖ លឹម សុនា

ពាក្យទាក់ទង

ការអប់រំ និងការងារ

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

ពើបស្នេហ៍វ័យចំណាស់ ឆៃលី ដាឡែន បង្កើបក្នុងថ្ងៃមង្គលថា “ផ្អាកសិល្បៈសិន ព្រោះរវល់ក្នុងហាង”

MG បន្តឆ្ពោះទៅមុខប្រកបដោយទំនុកចិត្ត ជូនអតិថិជន ខណៈក្រុមហ៊ុនខ្លះ កំពុងរងផលប៉ះពាល់

តស់...រដូវបុណ្យកាន់បិណ្ឌ និងភ្ជុំបិណ្ឌជិតមកដល់ហើយ! ទិញកូកា-កូឡា នឹងបង្កើតផ្សារមិនអស់លុយ

ទំនិញមានប្រភពដើមពីប្រទេសថៃចំនួន ២មុខ មិនត្រូវបានអនុញ្ញាតនាំចូលកម្ពុជាដាច់ខាត!

សណ្ឋាគារសោមារីវើសាយដ៍ បើកសម្ពោធជាផ្លូវការនៅតាមបណ្តោយមាត់ទន្លេក្រុងភ្នំេពញ

ឱកាសធ្វើជា ឆ្មាំគុក បានមកដល់ហើយ! ក្រសួងមហាផ្ទៃ ប្រកាសជ្រើសរើសមន្រ្តីពន្ធនាគារ ៣០០ នាក់