Wilshere៖ Arsenal អាចលើកពាន Premier League រដូវកាលនេះ

2016-08-12 23:25:10
ចំនួនមតិ 0 | ចំនួនចែករំលែក 0

ចន្លោះមិនឃើញ

Jack Wilshere ខ្សែបម្រើក្រុមកាំភ្លើងធំ Arsenal ជឿថាក្រុមរបស់ខ្លួន នឹងអាចលើកពាន Premier League ជាលើកដំបូងរយៈពេល១២ឆ្នាំ នៅរដូវកាលថ្មី២០១៦-២០១៧នេះ។

Jack Wilshere ខ្សែបម្រើក្រុមកាំភ្លើងធំ Arsenal

ក្រុមរបស់លោក Arsene Wenger ខកខានលើកពានលីគកំពូលអង់គ្លេស តាំងពីឆ្នាំ២០០៤ ហើយរដូវកាលមុនបញ្ចប់ចំណាត់ថ្នាក់លេខ២ ដោយចាញ់ក្រុម Leicester City ចំនួន១០ពិន្ទុ។ ប៉ុន្តែសម្រាប់រដូវកាលថ្មីនេះ Wilshere ជឿថា Arsenal អាចកែប្រែកំហុសឆ្គង ហើយអាចឈ្នះពានបាន។

កីឡាករវ័យ២៤ឆ្នាំ បាននិយាយថា៖ "មានចំណុចខ្លះ ដែលយើងត្រូវតែកែប្រែ។ រឿងធំសម្រាប់ខ្ញុំគឺ បើយើងក្រឡេកមើលរដូវកាលមុន យើងបានបាត់បង់ពិន្ទុច្រើន នៅការប្រកួតដែលយើងគិតថានឹងឈ្នះ។ ដូច្នេះយើងត្រូវតែផ្ដោតអារម្មណ៍ជាងមុន សម្រាប់ការប្រកួតមួយៗទាំងអស់គ្នា។ បន្ទាប់ពីយើងឈ្នះ Leicester ក្នុងដីរដូវកាលមុន យើងបានបាត់បង់ពិន្ទុជាបន្តបន្ទាប់។ ប៉ុន្តែរដូវកាលនេះ យើងមិនអាចឲ្យរឿងនោះកើតឡើងទៀតទេ...បើយើងជៀសរឿងនេះផុត យើងនឹងអាចឈ្នះពាន”៕