មជ្ឈមណ្ឌល​បណ្ដុះបណ្ដាល​ជំនាញ​ និង​ទទួល​ការ​ថត​ភាពយន្ត​នៅ​កម្ពុជា ​ឬ ​Cambodia Film Commission (CFC) និង​បើ​ក សិក្ខាសាលា​មួយ​ដោយ​ឥតគិតថ្លៃ លើ​ជំនាញ​គ្រប់​ផ្នែក ពាក់​ព័ន្ធ​នឹង​​ការ​ផលិត​ភាពយន្ត ដល់​អ្នក​ដែល​មាន​បំណង​ចង់​ចេះ​ផលិត​ខ្សែភាពយន្ត ។

សិក្ខាសាលា​មួយ​នេះ​មាន​ឈ្មោះ​ថា " CFC ​Cine ​Class “ បង្កើត​ឡើង​ក្នុង​គោលបំណង​ពង្រឹង​ជំនាញ​គ្រប់​ផ្នែក​ពាក់​ព័ន្ធ​ការ​ផលិត ភាពយន្ត ទៅ​ដល់​អ្នក​មាន​អាជីព​ជា​អ្នក​ផលិតភាពយន្ត​ក្នុង​ប្រទេស​កម្ពុជា​ទាំងអស់។

ជំនាញ​ដែល​ត្រូវ​បង្រៀន​នោះ​មាន​ដូច​ជា ជំនាញ​ផ្នែក​ថត​ភាពយន្ត ​(Cinematography) ជំនាញ​ផ្នែក​សម្លេង (sound engineer) ជំនាញ​ផ្នែក​តុប​តែង​មុខ​តួ​សម្ដែង​ (make-up) ​ជំនាញ​ផ្នែក​សំលៀកបំពាក់​ (Wardrobe) និង ជំនាញ​ជា​ច្រើន​ផ្សេងៗ​ទៀត។

បើ​តាម​ឲ្យ​ឲ្យ​ដឹង​​ពី​លោក មុត ទាំងវិទូ អ្នក​គ្រប់​គ្រង​ទូទៅ​ផ្នែក​ទំនាក់ទំនង​ នៃ​សិក្ខាសាលា​ខាង​លើ សិក្ខាកាម​ដែល​មាន​បំណង​ចូល​រៀន ​មិន​គិត​ពី​អ្នក​ចេះ ឬ មិន​ចេះ ភាសា​អង់គ្លេស​នោះ​ទេ គឺ​អាច​ចូល​​រៀន​បាន​ទាំង​អស់ ហើយ​ CFC ​Cine ​Class គ្រោង​​ជ្រើស​រើស សិក្ខាកាម​​ចំនួន​តែ​២០នាក់​ប៉ុណ្ណោះ។ ​ សាស្ត្រាចារ្យ​ដែល​បង្រៀន​ដល់​សិក្ខាកាម​គឺ លោក David Rivera ជន​ជាតិ​ Venezuela អ្នក​ជំនាញ​ផ្នែក​ភាពយន្ត និង សារព័ត៌មាន។

សិក្ខាសាលាទី១ របស់ CFC Cine Class ​នេះ​និង​ធ្វើ​ការ​បង្រៀន​ចំនួន៤ សប្ដាហ៍ គឺ​ចាប់​ពី​ថ្ងៃ​ទី១៩ ខែ សីហា ដល់​ថ្ងៃ​ទី៩ ខែ ​កញ្ញា ឆ្នាំ ២០១៦ ដោយ​ក្នុង​១សប្ដាហ៍​បង្រៀន​តែ​ថ្ងៃ​សុក្រ​១ថ្ងៃ ប៉ុណ្ណោះ។

កាល​បរិច្ឆេទ​ឈប់​ទទួល​ពាក្យ​​គិត​ត្រឹម ម៉ោង ៣ រសៀល ​ថ្ងៃ​ទី១៧ ខែ សីហា ឆ្នាំ ២០១៦។

ព័ត៌មាន​បន្ថែម ​អាច​​ទាក់ទង​មក​ Cambodia Film Commission (CFC) អាសយដ្ឋាន#128, St. 200, បឹងរាំង, ដូនពេញ, ភ្នំពេញ ។ ឬ ចូល​ទៅ​កាន់​ http://cambodia-cfc.org/site/index.php… ឬ ទំនាក់ទំនង​មក 089 540 484/010 728 912 ឬ​ក៏​អ៊ីម៉ែលមក taingvitou.mut@cambodia-cfc.org

អត្ថបទ៖ ខុត សីហា