ការពិតគួរឲ្យភ្ញាក់ផ្អើល១២យ៉ាង អ្នកមិនធ្លាប់ដឹងពីមនុស្សដែលប្រើដៃឆ្វេង

ពុធ, 17 សីហា 2016 15:16
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សដែលប្រើដៃឆ្វេង ត្រូវបានគេចាត់ទុកថាជាមនុស្សពិសេស។ កាលពីមុន នៅក្នុងប្រទេសជាច្រើនបានគិតថា មនុស្សដែលប្រើដៃឆ្វេង គឺស្ថិតក្រោមឥទ្ធិពលនៃកម្លាំងអាថ៌កំបាំង។ ផ្ទុយទៅវិញ រហូតមកដល់បច្ចុប្បន្ននេះ ការប្រើដៃឆ្វេង ឬ ស្តាំ ត្រូវបានគេកំណត់ថា មកពីកត្តាហ្សែនតែប៉ុណ្ណោះ ប៉ុន្តែក្រុមអ្នកវិទ្យាសាស្រ្តនៅតែមិនទាន់យល់ច្បាស់អំពីរឿងនេះ។

ខាងក្រោមនេះ គឺជាការពិតគួរឲ្យភ្ញាក់ផ្អើល ចំនួន១២យ៉ាង ពីមនុស្សដែលប្រើដៃឆ្វេង។ ចង់ដឹងថាមានអ្វីខ្លះ សូមតាមដានទាំងអស់គ្នា៖

១) មនុស្សចំនួន ១៥ភាគរយនៅលើពិភពលោក ប្រើដៃឆ្វេង

២) ចំនួនបុរសប្រើដៃឆ្វេង ច្រើនជាងចំនួនស្រ្តីប្រើដៃឆ្វេង ២ដង

៣) សមាជិកចំនួន ២០ភាគរយ នៃអង្គការ MENSA International (អង្គការសម្រាប់មនុស្សដែលមានសមត្ថភាពខួរក្បាល (IQ) ខ្ពស់) ប្រើដៃឆ្វេង

៤) មនុស្សដែលប្រើដៃឆ្វេងជាច្រើន មានសមត្ថភាពយ៉ាងល្អឥតខ្ចោះខាងផ្នែកតន្រ្តី និងការស្តាប់

៥) មេដាយមាសក្នុងកីឡាប្រដាល់ ចំនួន៤០ភាគរយ ត្រូវបានឈ្នះដោយកីឡាករដែលប្រើដៃឆ្វេង

៦) បុរសដែលប្រើដៃឆ្វេង មានជាង បុរសដែលប្រើដៃស្តាំ ចំនួន ២៦ភាគរយ ក្នុងចំណោមមនុស្សដែលមានកម្រិតវប្បធម៌ខ្ពស់

៧) ប្រសិនបើឪពុកម្តាយប្រើដៃឆ្វេង កូនរបស់ពួកគេមានអត្រា ៥០ភាគរយ អាចនឹងប្រើដៃឆ្វេងដែរ

៨) មនុស្សដែលប្រើដៃឆ្វេង លេងហ្គេមពូកែ ឬខ្លាំងជាងមនុស្សដែលប្រើដៃស្តាំ

៩) ស្រ្តីមានវ័យកាន់តែចាស់ អត្រាផ្តល់កំណើតដល់កូនដែលប្រើដៃឆ្វេងកាន់តែខ្ពស់

១០) មនុស្សដែលប្រើដៃឆ្វេង ពេញវ័យក្រោយមនុស្សដែលប្រើដៃស្តាំ ៤ ទៅ ៥ខែ

១១) មនុស្សប្រើដៃឆ្វេង អាចប្រើដៃស្ដាំបានច្រើន តែមនុស្សប្រើដៃស្ដាំអាចប្រើដៃឆ្វេងបានតិចតួចប៉ុណ្ណោះ។ មនុស្សដែលប្រើដៃឆ្វេង ៥០ភាគរយប៉ុណ្ណោះ ដែលប្រើ ឬ បញ្ជា Mouse ដៃឆ្វេង។

១២) មនុស្សចំនួន ៤នាក់ ក្នុងចំណោម ៥នាក់ ដែលបង្កើត MacBook សុទ្ធតែប្រើដៃឆ្វេង៕