អ្នកគាំទ្រផ្ទុះកំហឹង ទារលុយពី Jay Chou វិញព្រោះការប្រគំតន្ត្រីអន់ពេក
- 2016-09-07 17:47:25
- ចំនួនមតិ 0 | ចំនួនចែករំលែក 0
អ្នកគាំទ្រផ្ទុះកំហឹង ទារលុយពី Jay Chou វិញព្រោះការប្រគំតន្ត្រីអន់ពេក
ចន្លោះមិនឃើញ
មកទល់ពេលនេះ មានទស្សនិកជនចំនួនជាង១៥០០នាក់ដែលបានចុះហត្ថលេខាសំណូមពរឲ្យតារាចម្រៀងល្បីឈ្មោះ Jay Chou សងលុយខ្លួនវិញព្រោះសំឡេងនៅក្នុងការប្រគំតន្ត្រីរបស់លោកអន់ពេក។
កាលពីថ្ងៃទី៣ខែកញ្ញាកន្លងទៅនេះ កំពូលតារាចម្រៀងចិន Jay Chou បានប្រព្រឹត្តការប្រគំតន្ត្រីរបស់ខ្លួននៅពហុកីឡាដ្ឋានជាតិប្រទេសសិង្ហបុរីក្រោមការចូលរួមរបស់អ្នកគាំទ្រ៤ម៉ឺននាក់។ យ៉ាងណាក៏ដោយ ក្រោយពេលកម្មវិធីនេះបានបញ្ចប់ ទស្សនិកជនដែលបានចូលមើលការប្រគំតន្ត្រីនេះបានផ្ទុះកំហឹងព្រមៗគ្នា និងទាមទារឲ្យម្ចាស់បទ "Secret” សងលុយព្រោះពួកគេវិញដោយសារគុណភាពរបស់កម្មវិធីនេះអន់ពេក។
តាមនោះដែរ អ្នកគាំទ្រទាំង១៥០០នាក់ដែលបានចុះហត្ថលេខាទារសងលុយវិញនោះបានឲ្យដឹងថា សំឡេងនៅក្នុងខនសឺតមួយនេះ ស្ដាប់មិនកើតឬឮមិនច្បាស់។ ទស្សនិកជនទាំងនេះបានទាមទារឲ្យអ្នករៀបចំកម្មវិធីសងលុយពួកគេវិញយ៉ាងតិចពាក់កណ្ដាលនៃតម្លៃសំបុត្រ។ តម្លៃសំបុត្រចូលមើលការប្រគំតន្ត្រីរបស់ Jay Chou មានតម្លៃចាប់ពី ៩២ដល់៣៤២ដុល្លារ៕
ប្រែសម្រួល៖ សុវណ្ណផៃ ប្រភព៖straitstimes
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
