ថៃ រិទ្ធី នឹងប៉ះជើងខ្លាំងហ្វីលីពីន ល្ងាចនេះក្នុងកម្មវិធី Full Metal Dojo Presents

2016-09-10 14:42:10
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីហ្វឹកហាត់បានយ៉ាងពេញលេញ និងចាកចេញពីកម្ពុជាតាំងពីម្សិលមិញ កីឡាករ ថៃ រិទ្ធី នឹងចូលខ្លួនប្រកួតនៅម៉ោងប្រមាណជា៨យប់នេះហើយ ជាមួយជើងខ្លាំងហ្វីលីពីន Righ Ard Cormmial ក្នុងព្រឹត្តិការណ៍ Full Metal Dojo Presents នៅប្រទេសថៃ។

ថៃ រិទ្ធី បានចូលរួមប្រកួតក្នុងកម្មវិធីខាងលើ៨លើកមកហើយ ក្នុងនោះឈ្នះ៧ និង ចាញ់១ដង។ ប្រកួតក្នុងទ្រុងលើកចុងក្រោយរបស់កីឡាកររូបនេះគឺនៅទឹកដីប្រទេសថៃ ដោយឈ្នះកីឡាករថៃ Veerayuth Uttapan នៅទឹកទី១ ក្នុងព្រឹត្តិការណ៍ Full Metal Dojo ១០។

កីឡាករប្រដាល់គុនចម្រុះ MMA នៅក្លិប Cambodian Top Team បានហ្វឹកហាត់ត្រៀមខ្លួនរួចជាស្រេច បើទោះជាដឹងថាត្រូវប៉ះកីឡាករជើងខ្លាំងហ្វីលីពីនក៏រូបគេមិនសូវជាញញើតឡើយ។ ងាកទៅខាងគ្រូបង្វឹកលោក ហ៊ុន ច័ន្ទរាជ វិញបានបង្ហាញចំណាប់អារម្មណ៍ដែរថាកីឡាករ Cormmial ពូកែសឹងតែគ្រប់ក្បាច់ ដូច្នេះហើយអាចនឹងធ្វើឱ្យ រិទ្ធី ពិបាក។ យ៉ាងណាមិញ លោកក៏នៅតែសង្ឃឹមលើកូនក្រុមរបស់ខ្លួនដែរ ដោយសង្ឃឹមឈ្នះ៥១%៕

អត្ថបទ៖ មុន្នី រម្យ