ពេជ្រ ខេនឌី បើកជំនួញជាមួយ តាក្រមាមាស សាន គីមសៀន
- 2016-09-11 16:25:08
- ចំនួនមតិ 0 | ចំនួនចែករំលែក 0
ពេជ្រ ខេនឌី បើកជំនួញជាមួយ តាក្រមាមាស សាន គីមសៀន
ចន្លោះមិនឃើញ
តារាសម្ដែង អ្នកនាងពេជ្រ ខេនឌី បានប្រកាសបើកសាលាបង្រៀនក្បាច់គុណផ្គួបជាមួយហាងមួយកន្លែង ឲ្យគ្រួល្បុក្កតោ សាន គីមសៀន ដោយការបើកនោះចំណាយដើមទុនជាង១០ម៉ឺនដុល្លារឯណោះ។
ការប្រកាសនេះ ធ្វើឡើងកាលពីល្ងាចថ្ងៃសៅរ៍កន្លងទៅ គ្រាដែលតារាស្រីម្នាក់នេះរៀបចំពិធីបង្កក់កូនគម្រប់១ខែ របស់ខ្លួន។ សាលាបង្រៀនក្បាច់គុណនេះនឹងធ្វើនៅឯទីរួមខេត្ត សៀមរាប ដោយការបើកនោះ នាងបានរៀបចំជា សាលាបង្រៀន និង សម្ដែង ក្បាច់គុណ ដោយមានភោជនីយដ្ឋានផងដែរ។
"គាត់បង្រៀនដល់ក្មេងៗ ហើយគាត់អាចសម្ដែងឲ្យភ្ញៀវមើល ក្នុងនោះយើងមានអាហារដ្ឋានផងដែរ គាត់នឹងរកបានតាមនេះ" ។ ពេជ្រ ខេនឌី ថ្លែងបញ្ជាក់។ មូលហេតុដែលនាំឲ្យ នាងពេជ្រ ខេនឌី សម្រេចបោះទុនរហូតដល់ទៅជាង១០ម៉ឺនដុល្លារបែបនេះ ជាមួយ គ្រូក្បាច់គុណល្បុក្កតោល្បីឈ្មោះបែបនេះ ក៏ព្រោះតែ លោក សាន គីមសៀន គឺជាសាច់ញាតិរបស់នាង។
បច្ចុប្បន្នសាលាគុណ គ្រួល្បុក្កតោ កំពុងតែឲ្យជាងធ្វើជិតរួចរាល់ហើយ ដែលអាចដំណើរការប្រហែលជានីចុងឆ្នាំនេះ។
ពេជ្រ ខេនឌី រំពឹងថា ក្រៅពីជួយលើកតម្កើងក្បាច់គុណខ្មែរ វានិងជួយរកប្រាក់ចំណូលដល់ សិស្សច្បាច់កូន និង ជំនួញរបស់នាង ជាក់ជាមិនខាន។
អត្ថបទ៖ ខុត សីហា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
