U-17 ក្រោន ១-០ U-17 បឹងកេត រីឯអាកាសចរណ៍ស៊ីវិល ១៤-១ បងប្អូន

2014-11-03 17:36:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតកីឡាបាល់ទាត់ជាតិជើងឯកយុវជនអាយុក្រោម១៧ឆ្នាំ (លីក U17) កាលពីថ្ងៃអាទិត្យ ទី០២ ខែវិច្ឆិកា ឆ្នាំ២០១៤ ម្សិលមិញនេះ យុវជនភ្នំពេញក្រោន នៅតែបន្តភាពខ្លាំងរបស់ខ្លួនដដែល ដោយបានបន្តយកឈ្នះលើយុវជនរបស់ចម្ការកៅស៊ូបឹងកេត ស្របពេលដែលក្រុមបងប្អូន នៅតែដុនដាបខ្លាំងនៅលើទីលានសាលាបាត់ទាត់ជាតិទន្លេបាទី។

យុវជនភ្នំពេញក្រោន បានបន្តយកឈ្នះលើយុវជនបឹងកេត នៅប្រកួតទី៥របស់ខ្លួន ក្នុងលទ្ធផលប្រផុតប្រផើយ ១-០។ ដោយឡែក ក្រុមយុវជនអាកាសចរណ៍ស៊ីវិល វិញក៏បានបង្ហាញភាពខ្លាំងរបស់ខ្លួនដែរ បន្ទាប់ពីបានលត់ក្រុមបងប្អូន ក្នុងលទ្ធផលចាស់ដៃ ១៤-១។

គិតត្រឹមសប្ដាហ៍នេះលីកបាល់ទាត់យុវជនអាយុក្រោម១៧ឆ្នាំ បានឈានចូលដល់ប្រកួតទី៥របស់ខ្លួនហើយ ហើយមានតែក្រុមបងប្អូន មួយប៉ុណ្ណោះដែលមិនទាន់ស្គាល់រសជាតិឈ្នះសោះ ហើយថែមទាំងជំពាក់គ្រាប់បាល់គេដល់ទៅ៩១គ្រាប់។

អត្ថបទ៖ អៀង សូទ្រី