សែនព្រះខែ ខ្មែរសែស្រឡាយចិនសម្រុកទិញនំនិងផ្លែឈើ
- 2016-09-15 17:20:42
- ចំនួនមតិ 0 | ចំនួនចែករំលែក 0
សែនព្រះខែ ខ្មែរសែស្រឡាយចិនសម្រុកទិញនំនិងផ្លែឈើ
ចន្លោះមិនឃើញ
តាំងពីម្សិល រហូតដល់ព្រឹកថ្ងៃទី១៥ ខែកញ្ញានេះ នៅតាមទីផ្សារនានាក្នុងរាជធានីភ្នំពេញ ពិសេសផ្សារអូរឬស្សីមនុស្សកកកុញខុសប្រក្រតី ជាពិសេសបងប្អូនចិន និងខ្មែរជាប់សែស្រឡាយចិនកំពុងសម្រុកទិញនំ ផ្លែឈើ សែនព្រះខែយប់នេះ។
បងស្រី បូឡៃ មានសម្បុរស ទំនងជាជាប់ខ្សែស្រឡាយចិនផងនោះឲ្យដឹងថា បើតាមទម្លាប់គ្រួសារបងស្រី នៅពេលព្រឹក ត្រូវសែនដូចសែនថ្ងៃសីលដែរ មានសែនកុងម៉ា ជំនាំងផ្ទះ រានទេវតា ឬ អ្នកតាចង្ក្រានជាដើម ហើយសែនព្រះខែនៅពេលយប់ដែលជាទូទៅ បងស្រីត្រូវចំណាយជាង ១០ម៉ឺនរៀលរៀងរាល់ឆ្នាំ។ គ្រូបង្រៀនរូបនេះក៏បានបញ្ជាក់ដែរថា ព្រឹកសែននំង៉ូងយីង ដល់ពេលយប់ទើបសែននំព្រះខែ។
ងាកមកអ៊ំស្រី ម៉ាឡៃដែលកំពុងយួរនំសែនព្រះខែចេញដៃក៏បានឲ្យដឹងថា អ៊ំទិញនំតែពីរមុខប៉ុណ្ណោះគឺង៉ូវយីងស្នូលសណ្ដែក និងនំពារដោយសារតែកូនៗ ក៏ទិញនំរៀងៗខ្លួនដែរ ដើម្បីយកមកជួបជុំគ្នាសែនព្រះច័ន្ទថ្ងៃនេះ។ ជាទម្លាប់គ្រួសារអ៊ំស្រីតែងរៀបចំគ្រឿងមួយចំនួនសម្រាប់សែនព្រះខែរាល់ឆ្នាំ រួមមាននំព្រះខែ ផ្កា និងក្រដាសសែនជាដើម ព្រោះអ៊ំជាប់សែស្រឡាយចិនហើយវាក៏ជាទម្លាប់តៗគ្នាពី ដូនតារហូតមក។
ដោយឡែកបងប្រុសឡេង ឯណេះវិញអះអាងថា ដោយសារតែមមាញឹកនឹងការងារ ទើបលោកមិនបានទិញនំសែនព្រះខែទុក ទើបតែមកទិញថ្ងៃសែននេះតែម្តង ។ លោកថា «ជាប់ខ្សែចិនតិចតួចដែរ ខ្ញុំសែនរាល់តែឆ្នាំហ្នឹង មិនដែលខានទេ ចឹងបានជាឆ្លៀតមករកទិញនំនែក ផ្លែឈើខ្លះសែនពេលព្រឹកផង និងយប់ផង ដើម្បីបួងសួងសុំសេចក្តីសុខ»។
ចំពោះប្រិយមិត្តអ្នកអានដទៃដែលជាប់សែស្រឡាយចិន ត្រៀម និងបានរៀបចំអ្វីខ្លះសម្រាប់សែនព្រះខែយប់នេះ?
អត្ថបទៈ យ៉ារិទ្ធ រូបថតៈ ទូរស័ព្ទដៃ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
