Major Cineplex by Cellcard ប្រគល់ថវិកាជាង១ ពាន់ដុល្លារដល់ អង្គការ ប៉េ អេស អឺ

2016-09-23 22:59:16
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកនេះរោងកុនទំនើប Major Cineplex by Cellcard បានប្រគល់ថវិកាជាង ១ ពាន់ដុល្លារទៅដល់អង្គការដើម្បីភាពញញឹមនៃកុមារ និងអនុញ្ញាតឲ្យកុមារជិត ៤០០ នាក់ចូលទស្សនាភាពយន្តដោយមិនគិតថ្លៃផងដែរ។

កញ្ញា ហ៊ាង ស្រីជា ប្រធានផ្នែកទីផ្សារ និងទំនាក់ទំនង អ្នកឧបត្ថម្ភរបស់ Major Cineplex by Cellcard បានឲ្យដឹងថា "ពិធីប្រគល់ថវិកាដល់អង្គការខាងលើបានមកពីការលក់សំបុត្រកុនរឿង «ស្រកាមាស» ចំនួនបួនថ្ងៃ ក្នុងមួយថ្ងៃម៉ោង និងបានប្រាក់សរុបចំនួន ៩៧៨ ដុល្លារ ហើយរោងកុនរបស់យើងបានឧបត្ថម្ភ ៥០០ ដុល្លារបន្ថែមទៀត។ សរុបទាំងអស់បាន ១៤៧៨ ដុល្លារ ដើម្បីឲ្យ ប៉េ អេស អឺ យកទៅទ្រទ្រង់ផ្នែកហិរញ្ញវត្ថុផ្សេងៗតាមតម្រូវការ។"

កញ្ញា បានបន្តទៀតថា ឆ្លៀតក្នុងឱកាសនេះ រោងកុនទំនើបខាងលើក៏បើក Hall ដ៏ធំមួយដើម្បីឲ្យកុមារតូចៗជិត ៤០០ នាក់បានចូលទស្សនាភាពយន្តខាងលើទៀតផង។ ស្រីជា បញ្ជាក់ទៀតថា នេះមិនមែនជាលើកទីមួយដែលខាងរោងភាពយន្ត Major Cineplex by Cellcard សហការជាមួយអង្គការដើម្បីភាពញញឹមនៃកុមារ (ប៉េ អេស អឺ)ឡើយ ។

មិនត្រឹមតែប៉ុណ្ណោះប្រធានផ្នែកទីផ្សារបានបន្ថែមថា រោងកុនលំដាប់អន្តរជាតិមួយនេះ នឹងព្យាយាមសហការជាមួយអង្គការផ្សេងៗទៀតនៅក្នុងប្រទេសកម្ពុជាឲ្យបានច្រើនតាមដែលអាចធ្វើទៅបាន៕

អត្ថបទ៖ទ្រី រ៉ាវី

រូបភាព៖ផ្ដល់ឲ្យ