ផន ស្រីខួច ម៉ាទីន និង នៅ ស៊ីនឿន ត្រូវបានចាកចេញ
- 2016-09-26 16:00:37
- ចំនួនមតិ 0 | ចំនួនចែករំលែក 0
ផន ស្រីខួច ម៉ាទីន និង នៅ ស៊ីនឿន ត្រូវបានចាកចេញ
ចន្លោះមិនឃើញ
កាលពីរាត្រីថ្ងៃទី២៤កម្មវិធីប្រឡងចម្រៀងតារាអាជីព I Am a Singer Cambodia បានផ្សាយផ្ទាល់សប្ដាហ៍ទី១០របស់ខ្លួនដែលជាសប្ដាហ៍ពិសេស គឺត្រូវជម្រុះតារាចម្រៀងអាជីពចំនួន៣រូប ហើយអ្នកដែលបានចាកចេញគឺ ផន ស្រីខួច ម៉ាទីន និង នៅ ស៊ីនឿន ចំណែកឯតារា៤រូបទៀតត្រូវឡើងទៅវគ្គបន្ទាប់។
នៅសល់តែ៣សប្ដាហ៍ទៀតប៉ុណ្ណោះ កម្មវិធីប្រឡងចម្រៀងតារាអាជីពមានប្រភពមកពីប្រទេសកូរ៉េមួយនេះ នឹងឈានទៅដល់វគ្គផ្ដាច់ព្រ័ត្រហើយ ហើយក្នុងនោះតារាចម្រៀងអាជីពតែ១រូបគត់ ដែលនឹងត្រូវលើកពាន។ សម្រាប់សប្ដាហ៍កន្លងទៅនេះតារាចម្រៀងអាជីពដែលទទួលបានសំឡេងគាំទ្រតិចជាងគេ គឺតារាចម្រៀងមកពីផលិតកម្ម ភ្លេងរីខត ម៉ាទីន ចំណែកឯតារាចម្រៀងអាជីពដែលអាចទាក់ទាញសារគាំទ្រច្រើនជាងគេក្នុងទម្រង់វិញ្ញាសាបទចម្រៀងបែបភ្ជុំបិណ្ឌនេះ គឺបានទៅលើតារាចម្រៀង យក់ ដួងតារា និងតាមពីក្រោយដោយលោក ដួង វីរៈសិទ្ធ។
យក់ ដួងតារា ទទួលបានសម្លេងសារច្រើនជាងគេក្នុងសប្ដាហ៍ទី១០
សម្រាប់សប្ដាហ៍ក្រោយនេះកម្មវិធី I Am a Singer Cambodia នឹងត្រូវផ្សាយផ្ទាល់វគ្គថ្មីរបស់ខ្លួនសម្រាប់សប្ដាហ៍ទី១១នេះ ដោយប៉ះចំថ្ងៃពិធីបុណ្យភ្ជុំបិណ្ឌធំតែម្ដង។ ប៉ុន្តែអ្នកសម្របសម្រួលកម្មវិធីបានបញ្ជាក់ថា កម្មវិធីពុំបានលើកថ្ងៃផ្សាយផ្ទាល់នោះទេ គឺនឹងផ្សាយនៅថ្ងៃទី១ខែតុលាដដែល៕
កុំភ្លេចតាមដាន និងផ្ញើសារគាំទ្រដល់តារាក្នុងដួងចិត្តរបស់អ្នកឲ្យឈានទៅដល់វគ្គផ្ដាច់ព្រ័ត្រតារាចម្រៀងអាជីព ក្នុងនោះមាន ដួង វីរៈសិទ្ធ យក់ ដួងតារា វី ឌីណែត និង សួស វីហ្សា បានត្រៀមខ្លួនជាស្រេចដើម្បីបង្ហាញសមត្ថភាពជាមួយវិញ្ញាសាថ្មីសម្រាប់សប្ដាហ៍ទី១១នេះ៕
អត្ថបទ៖ SAMEDY
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
