គោលដៅក្រេបទឹកឃ្មុំល្អបំផុតទាំង១០ ប្រចាំឆ្នាំ២០១៤

2014-11-03 23:33:54
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ប្រចាំឆ្នាំរបស់ Zeitgeist បានបង្ហាញថាទីកន្លែង១០ដែលជាគោលដៅក្រេបទឹកឃ្មុំដែលល្អបំផុតបន្ទាប់ពីថ្ងៃពិសេសរបស់លោកអ្នក។ ចង់ដឹងថាមានកន្លែងណាខ្លះ សូមមើលដូចខាងក្រោម៖

១. ប្រទេសនូវែលហ្សេឡង់

សណ្ឋាគារដ៏ប្រណិត មានហាងហែលទឹកដ៏ស្រស់ស្អាត ទីធ្លាលេង tennis ស្ថិតនៅបឹង Taupo មានទំហំ ៦៨៧៩៧ម៉ែត្រការ៉េ ភាគខាងជើងកោះ Huka Lodge គឺជាកន្លែងដែលគូស្នេហ៍ទាំងអស់និយមធ្វើដំណើរទៅក្រេបទឹកឃ្មុំ។ បរិវេណទីនោះជាព្រំប្រទល់រវាងទន្លេ Waikatoហើយនិងឧទ្យាន Wairakei ដែលផ្ដល់ឱកាសឲ្យគូស្នេហ៍បានស្ទូចត្រី លេងកូនគោល និងធ្វើដំណើរទៅកោះ Whie Island ដើម្បីទស្សនារូងភ្នំ Tarawere Waitomoដ៏ស្រស់ស្អាត ។

២. ទីក្រុង Cancunប្រទេស ម៉ិកស៊ីកូ

ទីក្រុង Cancun ស្ថិតនៅក្នុងប្រទេសម៉ិកស៊ិក ត្រូវបានគេដឹងថាជាកន្លែងក្រេបទឹកឃ្មុំដ៏ល្អបំផុត អស់រយៈពេលជាច្រើនឆ្នាំមកហើយ។ វាស្ថិតនៅជិតប្រាសាទបុរាណMayan ដ៏ល្បី និងតំបន់ព្រៃភ្នំដ៏ស្អាត។ ម្ហូបនៅតំបន់នោះមានឱជារសឆ្ងាញ់ និងមានរមណីយដ្ឋានប្រកបដោយភាពស្រស់ឆើតឆាយ។ នៅទីនោះ អ្នកអាចអាងហែលទឹកលេងក្នុងអាងដែលអាចឲ្យអ្នកមើលឃើញសមុទ្រធំល្វឹងល្វើយ។ មិនត្រឹមតែប៉ុណ្ណោះនៅមានក្លឹបកម្សាន្តពេលរាត្រី ហាងលក់ឥវ៉ាន់ កន្លែងស្ប៉ា និង កន្លែងវាយកូនគោលដ៏ល្អឥតខ្ចោះ។

៣. កោះ ម៉ាល់ឌីវ

កោះម៉ាល់ឌីវ គឺជាគោលដៅក្រេបទឹកឃ្មុំដ៏ពេញនិយមបំផុតមួយ ព្រោះនៅទីនោះមានឆ្នេរខ្សាច់យ៉ាងស្រស់ស្អាត ប្រជែងសម្រស់គ្នាហើយស័ក្ដិសមនឹងឈ្មោះថា "កន្លែងរ៉ូមែនទិចបំផុតក្នុងពិភពលោក"។ ប្រមូលផ្ដុំដោយកោះរាប់សិប និងកោះផ្កាថ្ម ម៉ាល់ឌីវមានវិសាលភាព១០៦៦៨ម៉ែត្រការ៉េក្នុងមហាសមុទ្រឥណ្ឌា និងមានទីតាំងស្ថិតនៅចម្ងាយ ៥០០ម៉ាយភាគនិរតីប្រទេសស្រីលង្កា។ គូស្វាមីភរិយាដែលទើបតែរៀបការថ្មីថ្មោងនឹងបានគេងលេងនៅលើឆ្នេរខ្សាច់ ហែលទឹក និងជាពិសេសអាចគយគន់ទិដ្ឋភាពថ្ងៃលិចយ៉ាងរីករាយជាមួយឆ្នេរសមុទ្រធំទូលាយ។ ក្នុងទឹកលោកអ្នកអាចមើលឃើញថ្មប៉ប្រះទឹក អណ្ដើក ត្រី និងសត្វសមុទ្រចម្រុះពណ៌ដទៃទៀត។

៤. កោះបាលី

កោះបាលីត្រូវបានគេស្គាល់ថាជាកោះដ៏ស្អាតបំផុតដែល ប្រជុំទៅដោយកោះតូចៗដល់ទៅ១៧៥០០កោះ ស្ថិតនៅប្រទេសឥណ្ឌូណេស៊ី។ ប្រជាជនភាគច្រើនរបស់ប្រទេសនេះ ជាជនជាតិម៉ូស្លីម ខណៈកោះបាលី ជាផ្នែកមួយនៃវប្បធម៌ និងសិល្បៈហិណ្ឌូ។ កន្លែងក្រេបទឹកឃ្មុំ គឺនៅកណ្ដាលកោះបាលីតែម្ដង ហើយលោកអ្នកអាចមើលឃើញសហគមន៍នៅតាមវាលស្រែដ៏ស្រស់ស្អាត រៀបចំឡើងជាតាមរបៀបសិល្បៈ។

៥. ប្រទេសថៃ

កន្លែងក្រេបទឹកឃ្មុំដ៏ល្អបំផុតនៅប្រទេសថៃ មានដូចជាក្នុងទីក្រុងបាងកក ឈៀងម៉ៃ ឬអាចធ្វើដំណើរទៅតាមតំបន់ភ្នំ និងឆ្នេរដ៏ពេញនិយមមួយចំនួនដូចជាកោះភូកេត និង Phi Phi ស្ថិតនៅសមុទ្រ Andaman និងកោះសាមុយក្នុងឈូងសមុទ្រប្រទេសថៃ។

តំបន់៥ផ្សេងទៀតដែលអស្ចារ្យសម្រាប់ក្រេបទឹកឃ្មុំ រួមមាន បេលីហ្ស (Belize) កោះ Saint Lucia ប្រទេសតាហ៊ីទី តំបន់ការាបៀន និងប្រទេសក្រូអាត។