ថ្ងៃភ្ជុំបិណ្ឌធំ វត្តព្រះវិហារសសរ ១០០ មានពុទ្ធិបរិស័ទច្រើនកុះករ ចង្ហាន់ហូរហៀរ

2016-10-05 01:14:45
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃបុណ្យភ្ជុំបិណ្ឌធំកន្លងទៅនេះ វត្តព្រះវិហារសសរ ១០០ មានពុទ្ធបរិស័ទច្រើនកុះករ បានទៅធ្វើបុណ្យដាក់បិណ្ឌ ដែលធ្វើឲ្យវត្តដែលមានជាប់រឿងរ៉ាវប្រវត្តិសាស្រ្តមួយនេះមានចង្ហាន់ហូរហៀរ។

ចង់ដឹងព័ត៌មានលម្អិតចុចទស្សនាវីដេអូខាងក្រោមនេះ៖

វត្តវិហារសសរ ១០០ស្ថិតនៅក្បែរមាត់ទន្លេមេគង្គត្រើយខាងកើតក្នុងឃុំសំបូរ ស្រុកសំបូរ ខេត្តក្រចេះ ដែលមានចម្ងាយ ៣៦ គីឡូម៉ែត្រខាងជើងទីរួមខេត្តក្រចេះ។ វត្តសរសរ ១០០ត្រូវបានស្ថាបនាឡើងនៅចំទីតាំងរាជវាំងនគរសម្ភបុរៈនៃ អាណាចក្រចេនឡា។

រូបសំណាកព្រះនាងក្រពុំឈូក បុត្រីព្រះអង្គចន្ទរាជាទី ២

វត្ដនេះត្រូវបានសាងសង់នៅសម័យព្រះបាទអង្គចន្ទរាជាទី២ ដើម្បីឧទ្ទិសដល់បរមីវិហារសសរ ១០០ ដើម្បីថែរក្សាព្រលឹងព្រះនាងវរកៈ ឬក្រពុំឈូក បុត្រីព្រះអង្គ ដែលត្រូវក្រពើនេនធនស៊ី។ ព្រះវិហារសសរ ១០០ បែរមុខទៅទិសខាងជើង ខុសពីព្រះវិហារដទៃទៀត។