I Am a Singer Cambodia ជិតដល់វគ្គផ្ដាច់ព្រ័ត្រមែនទែនហើយ
- 2016-10-08 14:31:52
- ចំនួនមតិ 0 | ចំនួនចែករំលែក 0
I Am a Singer Cambodia ជិតដល់វគ្គផ្ដាច់ព្រ័ត្រមែនទែនហើយ
ចន្លោះមិនឃើញ
ល្ងាចនេះកម្មវិធីប្រឡងចម្រៀងតារាចម្រៀងអាជីពលំដាប់ថ្នាក់ពិភពលោក I Am a Singer Cambodia នឹងផ្សាយផ្ទាល់សប្ដាហ៍ទី១២របស់ខ្លួនដែលជាសប្ដាហ៍មួយយ៉ាងសំខាន់ព្រោះវគ្គផ្ដាច់ព្រ័ត្រកាន់តែខិតមកដល់ហើយ។
កម្មវិធីប្រឡងចម្រៀងដែលមានប្រភពមកពីប្រទេសកូរ៉េមួយនេះ គឺមានការប្រកួតប្រជែងសរុប១៣សប្ដាហ៍មានន័យថាសប្ដាហ៍ទី១៣ គឺជាសប្ដាហ៍លើកពាន។ ហើយសម្រាប់ល្ងាចនេះ I Am a Singer Cambodia បានឈានជើងមកដល់សប្ដាហ៍ទី១២ហើយ ដោយតារាចម្រៀងអាជីពទាំង៧រូប រួមមាន យក់ ដួងតារា ដួង វីរៈសិទ្ធ វី ឌីណែត សួស វីហ្សា នៅ ស៊ីនឿន ផន ស្រីខួច និង ឈិត សុវណ្ណបញ្ កំពុងត្រូវការសំឡេងសារគាំទ្រដើម្បីឈានទៅកាន់ការលើកពាន។
ចំពោះលក្ខខណ្ឌជម្រុះ សម្រាប់សប្ដាហ៍ទី១២នេះ ផលិតករកម្មវិធីដែលមានប្រភពមកពីប្រទេសកូរ៉េមួយនេះ សុំរក្សាសិទ្ធិមិនបញ្ចេញនៅឡើយ ព្រោះជាគោលការណ៍របស់កម្មវិធី។
I Am a Singer Cambodia នាំមកជូនលោកអ្នកដោយ CLEAR
កម្មវិធី I Am a Singer ជាកម្មវិធីមានប្រភពមកពីប្រទេសកូរ៉េ បានបង្កើតឡើងនៅឆ្នាំ ២០១២ របស់ស្ថានីយទូរទស្សន៍ MBC ដោយសព្វថ្ងៃ បានលក់សិទ្ធិឲ្យ២ប្រទេសហើយក្នុងការផលិត គឺចិន និង កម្ពុជា ដែលចិនបានទិញកម្មសិទ្ធិនៅឆ្នាំ២០១៣ ចំណែកកម្ពុជានៅឆ្នាំ២០១៦នេះ៕ អត្ថបទ៖ SAMEDY