អតីតបេក្ខភាព The Voice ឃុន វាសនា ត្រៀមចេញ Original song លើកដំបូង

2016-10-10 17:59:13
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតបេក្ខភាព The Voice Cambodia រដូវកាលទី២ ឃុន វាសនា បានប្រាប់ឲ្យ Sabay ដឹងថា នៅពេលខាងមុខនេះ លោកនឹងបញ្ចេញស្នាដៃចម្រៀង Original លើកដំបូងរបស់ខ្លួនហើយ។

បទ "ដឹងអូនអស់ចិត្ត តែបងមិនអស់ស្នេហ៍” គឺជាបទដំបូងសម្រាប់អតីតកូនក្រុម ឆន សុវណ្ណរាជ ដែលមាននៅក្នុងផលិតកម្ម ប៊ី អេន មេឌៀ។ "ខ្ញុំបានចូលផលិតកម្មនេះបានបី បួនខែ និងត្រៀមចេញបទ Original song នេះជាលើកទីមួយ បន្ទាប់ពីប្រឡងកម្មវិធីនោះចប់។”

តារាដែលមានប្រភពមកពីខេត្តព្រៃវែងរូបនេះ បានបន្តថាបទ "ដឹងអូនអស់ចិត្ត តែបងមិនអស់ស្នេហ៍” ជាជំហានដំបូង ហើយប្រសិនបើមានការគាំទ្រ លោកនឹងបន្តធ្វើចម្រៀង Original បន្តទៀត។

វីដេអូ ដែលបង្ហាញនេះ វាសនា បញ្ជាក់ថាគឺជា Teaser ប៉ុណ្ណោះ ហើយចម្រៀងពេញ គឺនឹងចេញក្នុងចុងខែតុលា ឬអាចដល់ដើមខែវិច្ឆិកាខាងមុខ៕

តោះ!ទស្សនាវីដេអូ Teaser របស់ ឃុន វាសនា បទ "ដឹងអូនអស់ចិត្ត តែបងមិនអស់ស្នេហ៍” ខាងក្រោមនេះទាំងអស់គ្នា៖