កាល់ស្យូមផ្ដល់ផលល្អសម្រាប់ស្ត្រីមានផ្ទៃពោះ និងកូនក្នុងផ្ទៃ

2016-10-17 22:56:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលអ្នកមានផ្ទៃពោះ អ្នកមិនគ្រាន់តែទទួលទានសម្រាប់ពីរនាក់នោះទេ ប៉ុន្តែអ្នកត្រូវការ បន្ថែមជីវជាតិចម្រុះទៅក្នុងរបបអាហាររបស់អ្នក។ កត្តានេះដោយសារតែអ្នកត្រូវការបរិមាណ សារធាតុចិញ្ចឹមដ៏ចាំបាច់មួយដើម្បីធានាថា ទារកក្នុងផ្ទៃ និងអ្នកមានសុខភាពល្អទាំងមុនពេល ក្នុងពេល និងក្រោយពេលសម្រាល។ អាហារផ្សេងគ្នាផ្តល់សារជាតិចិញ្ចឹមផ្សេងគ្នា ហើយការបន្ថែមប្រភេទអាហារបំប៉នចម្រុះកាន់តែច្រើនក្នុងរបបអាហារប្រចាំថ្ងៃរបស់អ្នកដូចជាអាហារដែលសម្បូរកាបូអ៊ីដ្រាត ប្រូតេអ៊ីន ជាតិខ្លាញ់ និងរ៉ែខនិកផ្សេងទៀត ព្រមទាំងវីតាមីនជាដើម អ្នកក៏អាចស្រូបយកសារធាតុចិញ្ចឹមទាំងនេះបានកាន់តែច្រើនផងដែរ។ ប្រការជាសញ្ញាណល្អធ្វើឱ្យអ្នកសម្រាលបានបុត្រដែលមានសុខភាព និងការពារសុខុមាលភាពរបស់អ្នកផងដែរ។

កាល់ស្យូមជាសារធាតុចិញ្ចឹមដ៏សំខាន់មួយក្នុងចំណោមសារធាតុចិញ្ចឹមសំខាន់ៗដទៃទៀតដែលអ្នកត្រូវការ។ នេះគឺជាមធ្យោបាយសំខាន់ក្នុងការពង្រឹងសុខភាពធ្មេញនិងឆ្អឹងរឹងមាំ។ កាល់ស្យូមជួយបង្កា៖ ជំងឺពុកឆ្អឹង៖ ឆ្អឹងចាប់ផ្ដើមចុះទន់ខ្សោយបណ្ដាលមកពីកំហាប់ឆ្អឹងថយចុះ។ កំហាប់ឆ្អឹងថយចុះដោយសារកត្តាជាច្រើន ដូចជាអាយុ ភេទ ប្រវត្តិគ្រួសារ ភាពអសកម្មផ្នែករាងកាយ និងកត្តារបបអាហារដូចជាការទទួលទានរបបកាល់ស្យូមតិចជាដើម។ ជំងឺបម្រុងក្រឡាភ្លើង៖ ជាការបូកបញ្ចូលគ្នានូវអាការសម្ពាធឈាមឡើងខ្ពស់ ចាល់ជាតិទឹក កម្រិតប្រូតេអ៊ីនខ្ពស់នៅក្នុងទឹកនោម។ ប្រសិនបើមិនព្យាបាលទេ វាអាចបណ្តាលឱ្យទារកនឹងម្តាយមានបញ្ហាធ្ងន់ធ្ងរ និងស្មុគស្មាញ។ ជំងឺឆ្អឹងស្ដើងគឺ ឆ្អឹងមានសភាពទន់ដែលបណ្ដាលមកពីការធ្វើមេតាបូលីសនៅឆ្អឹងខូចខាត។ ប្រជុំអាការរោគ មុនពេលមករដូវ (PMS)៖ កាល់ស្យូមអាចកាត់បន្ថយរោគសញ្ញានៃ PMS បាន 50% បូករួមទាំងអាការឈឺក្បាល មួម៉ៅ និងហើមពោះ។ កាល់ស្យូមក៏ជួយឱ្យមានកំណកឈាមធម្មតា មុខងារប្រព័ន្ធសរសៃប្រសាទដំណើរការបានត្រឹមត្រូវ និងធ្វើឱ្យចង្វាក់បេះដូងអ្នកប្រក្រតី។ វាមានប្រសិទ្ធភាពក្នុងការកាត់បន្ថយបញ្ហារមួលក្រពើ និងសម្ពាធឈាមខ្ពស់ក្នុងអំឡុងពេលមានគភ៌ផងដែរ។ ប្រភពកាល់ស្យូមដ៏ល្អបំផុតសម្រាប់អ្នក កាលណាមនុស្សគិតដល់កាល់ស្យូម ពួកគេនឹកដល់ផលិតផលទឹកដោះគោ។ ពួកគេគិតមិនខុសនោះទេ ព្រោះទឹកដោះគោ ឈីស និងទឹកដោះគោជូរ (យ៉ាអួ) ជាប្រភពកាល់ស្យូមខ្ពស់។ ជាឧទាហរណ៍ ទឹកដោះគោមួយកែវ ផ្ទុកជាតិកាល់ស្យូម 300 មីលីក្រាម ចំណែកទឹកដោះគោជូរ (យ៉ាអួ) កន្លះពែង ផ្ទុក 207 មីលីក្រាម។ នេះជាមធ្យោបាយដ៏មានប្រសិទ្ធភាពដើម្បីធានាបំពេញតម្រូវការកាល់ស្យូមរបស់អ្នកតាមកម្រិតរបបអាហារទ្រទ្រង់ប្រចាំថ្ងៃ (RDA)។ សូមចងចាំថា មិនមែនកាល់ស្យូមទាំងអស់ដែលមានក្នុងអាហារ សុទ្ធតែត្រូវរាងកាយស្រូបយកនោះទេ។ លោកអ្នកស្រូបយកកាល់ស្យូមប្រហែល30%ពីអាហារ ប៉ុន្តែកត្តានេះវាអាស្រ័យលើចំណុះ និងជីវសុពលភាពរបស់កាល់ស្យូមក្នុងប្រភេទអាហារនីមួយៗដែលយើងទទួលទាន។ ឧទាហរណ៍ សារព័ត៌មានអាមេរិកអំពីការប៉ាន់ប្រមាណលើការត្រួតពិនិត្យអាហារូបត្ថម្ភបានបង្ហាញថា រាងកាយលោកអ្នកស្រូបយកជាតិកាល់ស្យូមត្រឹមតែ 42,5% ប៉ុណ្ណោះពីបរិមាណទទួលទានស្ពៃតឿ 85ក្រាម ដែលផ្ទុកកាល់ស្យូម 79 មីលីក្រាម។ កត្តាដទៃទៀតដែលប៉ះពាល់ដល់ការស្រូបយកកាល់ស្យូមរបស់រាងកាយមានដូចជាបរិមាណអាហារសម្បូរជាតិកាល់ស្យូមដែលលោកអ្នកទទួលទាន និងវ័យរបស់លោកអ្នក។ អង្គការសុខភាពពិភពលោក (WHO) និងអង្គការស្បៀងអាហារពិភពលោករបស់អង្គការសហប្រជាជាតិបានណែនាំឱ្យការទទួលទានកាល់ស្យូមក្នុងរបបអាហារប្រចាំថ្ងៃឱ្យបាន 1.200 មីលីក្រាម។ ទន្ទឹមនេះដែរ កម្រិតរបបអាហារទ្រទ្រង់ប្រចាំថ្ងៃរបស់សហរដ្ឋអាមេរិកសម្រាប់ស្ត្រីមានផ្ទៃពោះ និងស្ត្រីបំបៅដោះកូនដែលមានវ័យលើសពី 18ឆ្នាំ ឡើងទៅ គឺស្មើនឹង 1.000 មីលីក្រាម ក្នុងមួយថ្ងៃ និង1.300មីលីក្រាម ប្រចាំថ្ងៃសម្រាប់ក្មេងស្រីជំទង់រហូតដល់អាយុ18ឆ្នាំ។ ប៉ុន្ដែនៅមានទៀត យ៉ាងណានៅមានអាហារដែលមានជាតិកាល់ស្យូមច្រើនលើសពីផលិតផលទឹកដោះគោទៅទៀត។ ជាឧទាហរណ៍ តើអ្នកដឹងថាអ្នកអាចទទួលបានជាតិកាល់ស្យូមពីទឹកសណ្តែក និងទឹកអាល់ម៉ុនឬទេ? អ្នកក៏អាចទទួលបានជាតិកាល់ស្យូមពីបន្លែបៃតង គ្រាប់សណ្តែក និងត្រី។ ខាងក្រោមនេះជាជម្រើសអាហារមួយចំនួនក្រៅពីទឹកដោះគោដែលសម្បូរជាតិកាល់ស្យូមខ្ពស់ និង បរិមាណសារធាតុចិញ្ចឹមដែលវាផ្ទុក។

ប្រសិនបើអាហារទាំងនេះមិនគ្រប់គ្រាន់ទេ អ្នកអាចទទួលទានអាហារជំនួយកាល់ស្យូមខ្ពស់ផ្សេងទៀត ដូចជាទឹកក្រូច នំប៉័ង គ្រាប់ធញ្ញជាតិ និងអាហារសម្រន់ ឬកាល់ស្យូមអំពូល។ អាហារទាំងនេះផ្ទុកបរិមាណកាល់ស្យូមល្អបំផុត។ ជាឧទាហរណ៍ ទឹកក្រូចស្រស់ កន្លះពែង មានផ្ទុកជាតិកាល់ស្យូមពី133 មីលីក្រាម ទៅ 250 មីលីក្រាម។ គួរចៀសវាង ឬកាត់បន្ថយ ខណៈពេលដែលអ្នកផ្តោតសំខាន់លើការទទួលជាតិកាល់ស្យូមឱ្យបានគ្រប់គ្រាន់តាមរយៈរបបអាហាររបស់អ្នក អាហារមួយចំនួនអាចនឹងធ្វើឱ្យបាត់បង់ជាតិកាល់ស្យូមផងដែរ។ ប្រភេទអាហារទាំងនេះ រួមមានកាហ្វេអ៊ីន គ្រឿងស្រវឹង ភេសជ្ជៈដប ឬកំប៉ុង និងជាតិប្រៃជាដើម។ វាក៏អាចបណ្ដាលឱ្យបាត់បង់កំហាប់ឆ្អឹង ឬធ្វើឱ្យរាងកាយពិបាកស្រូបយកជាតិកាល់ស្យូមផងដែរ ដូច្នេះយកល្អគួរតម ឬជៀសវាងទទួលទានអាហារទាំងនេះ។ បន្ថែមកាល់ស្យូមល្អៗឱ្យបានច្រើន ដោយសារតែផលិតផលទឹកដោះគោមិនមែនជារបបអាហារចាំបាច់របស់ប្រជាជនកម្ពុជា អ្នកអាចជួបបញ្ហាទទួលយកជាតិកាល់ស្យូមពីការទទួលទានទឹកដោះគោ ឈីស និងទឹកដោះគោជូរ (យ៉ាអ៊ួ)។ ប៉ុន្តែអ្នកនៅតែអាចបន្ថែមកាល់ស្យូមបាន មិនថារបបអាហារផលិតពីទឹកដោះគោឬអត់ តាមគន្លឹះទាំងនេះ៖ • បន្ថែមឈីសក្នុងសេនវិច។ ញ៉ាំឈីសម្ដង ទទួលបានជាតិកាល់ស្យូមយ៉ាងច្រើនដូចជាញ៉ាំទឹកដោះគោកន្លះពែង។ • សូមព្យាយាមទទួលទានម្សៅធញ្ញជាតិ (oatmeal) ដោយបន្ថែមវាក្នុងនំដុត និងនំពងទា។ ម្សៅធញ្ញជាតិមួយពែងផ្ទុកកាល់ស្យូមរហូតដល់150 មីលីក្រាម។ • ទទួលទានគ្រាប់អាល់មុនជាអាហារសម្រន់។ អ្នកក៏អាចថែមចំណិតអាល់ម៉ុនលាយក្នុងម្ហូបញ៉ាំ បន្លែ ឬគ្រាប់ធញ្ញជាតិបានផងដែរ។ • បន្ថែមម្សៅទឹកដោះគោស្ងួតគ្មានជាតិធាត់ទៅក្នុងស៊ុប សម្ល និងទឹកជ្រលក់។ ឬប្រើទឹកដោះគោជូរគ្មានជាតិខ្លាញ់ (យ៉ាអ៊ួ) ជំនួសប័រ ឬក្រែមខាប់ជូរ។ • សាកល្បងទទួលទានសណ្តែកលីងជាមួយនំបុ័ងអាំង។ សណ្តែកលីងមួយពែង ផ្ទុកកាល់ស្យូម 154 មីលីក្រាម។ • ព្យាយាមទម្លាប់ញ៉ាំការ៉េម ប៉ុន្តែក្នុងកម្រិតមធ្យម។ ការ៉េម Vanilla 100 ក្រាមមួយចាន ផ្ដល់ឱ្យអ្នកនូវកាល់ស្យូម 124 មីលីក្រាម។ មិនទាន់គ្រប់គ្រាន់? ប្រសិនបើអ្នកទទួលកាល់ស្យូមមិនបានគ្រប់គ្រាន់ពីរបបអាហារទេ សូមព្យាយាមទទួលទានជំនួយកាល់ស្យូមបន្ថែម។ ការពិត អង្គការសុខភាពពិភពលោកបានប្រកាសថាជំនួយ កាល់ស្យូមអាចបន្ថយហានិភ័យពីការវិវត្តទៅរកជំងឺលើសឈាម អំឡុងពេលមានផ្ទៃពោះ។ ជំងឺទាំងនេះទាក់ទងទៅនឹងអត្រាមរណភាពមាតា និងហានិភ័យនៃទារកកើតមិនគ្រប់ខែ។

ស្ត្រីមានផ្ទៃពោះគួរតែប្រើថ្នាំជំនួយកាល់ស្យូម ក្រោយពេលទទួលទានអាហារពេលព្រឹក និងពេលថ្ងៃត្រង់ ព្រោះវាជួយឱ្យស្រូបយកសារធាតុចិញ្ចឹមបានកាន់តែល្អ។ មិនថាកាល់ស្យូមបានមកពីអាហារ ឬថ្នាំជំនួយនោះទេ វាដើរតួនាទីយ៉ាងសំខាន់នៅពេលបំបៅដោះកូន ព្រោះតម្រូវការជាតិកាល់ស្យូមស្ទើរតែស្មើនឹងពីរដងសម្រាប់ស្ត្រីមានផ្ទៃពោះ។ ដោយសារតែមានបរិមាណកាល់ស្យូម 250 មីលីក្រាម ក្នុងមួយថ្ងៃនៅក្នុងទឹកដោះ ការទទួលទានបន្ថែមគឺចាំបាច់បំផុត ដើម្បីទប់ស្កាត់កុំឱ្យបាត់បង់ជាតិរ៉ែខនិកសំខាន់ពីឆ្អឹងរបស់ម្តាយ។ អត្ថបទ៖ ពាណិជ្ជកម្ម

ពាក្យទាក់ទង

ការផ្សាយពាណិជ្ជកម្ម

អត្ថបទពេញនិយម

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ឥណ្ឌូណេស៊ីប្រកាសមហិច្ឆតា "Green Roadmap" បោះទុនមហាសាល លើរថយន្តអគ្គិសនីក្នុងស្រុក ដើម្បីដណ្ដើមទីផ្សារពីចិន

ពិភពលោក បាត់បង់កំពូលអធិរាជច្នៃម៉ូដអន្តរជាតិ លោក Valentino Garavani

"៩៩ ឆ្នាំ" ក្នុងជម្រកគេចពីគ្រាប់បែក! ពិព័រណ៍សិល្បៈឌីជីថលនៅសិង្ហបុរី បើកកកាយអាថ៌កំបាំង ពេលវេលាតាមរយៈបច្ចេកវិទ្យា

ឱកាសការងារនៅ Sabay មកដល់ទៀតហើយ រួសរាន់ឡើង!

គេមកហើយ! អាយដល Tena បញ្ចេញបទថ្មី "Turn on" ច្រៀង ft ជាមួយ Rakhie និង Meezy24k

អត្ថបទថ្មី

Herbalife ពង្រីកវិសាលភាពអាហារូបត្ថម្ភផ្ទាល់ខ្លួន តាមរយៈការទិញយកក្រុមហ៊ុន Bioniq

Metfone ដាក់ចេញជាផ្លូវការនូវគម្រោងដាតាអ៊ីនធឺណិត 5G ល្បឿនលឿនថ្មី ដ៏ទាក់ទាញ

Ford Ranger និង Ford Everest រចនារូបរាងថ្មី កាន់តែកាច បំពាក់ដោយម៉ាស៊ីនថ្មី និងបច្ចេកវិទ្យាកាន់តែទំនើបជាងមុន!

មិនឱ្យអ្នករង់ចាំខកបំណង! BYD Ti7 សម្ពោធនៅកម្ពុជា បញ្ជាទិញនាំមុខគេក្នុងទីផ្សាររថយន្តថាមពលថ្មី

Unicharm ក្រុមហ៊ុនធំរបស់ប្រទេសជប៉ុន ប្រកាសទៅកាន់ដៃគូអាជីវកម្មទាំងអស់ដោយទំនុកចិត្តពី ផលិតផលស្តុកថ្មី ប្រទេសផលិតថ្មី

ការផ្ទេរកីឡាករទាំង 5 ដែលបានផ្លាស់ប្តូរ NBA