"លេខាថ្មី" នាំ សាយ សៀរ៉ា ប៉ះជាមួយ គង់វង្ស យ៉ាទី ជាលើកទី១

2016-10-21 16:49:17
ចំនួនមតិ 0 | ចំនួនចែករំលែក 0

ចន្លោះមិនឃើញ

នេះគឺជាលើកទីមួយដែលលោក សាយ សៀរ៉ា បានចាប់ដៃគូសម្តែងជាមួយ កញ្ញា គង់វង្ស យ៉ាទី នៅក្នុងខ្សែភាពយន្តភាគរឿង "លេខាថ្មី" របស់ផលិកម្មចក្រវាឡពេជ្រភាពយន្ត។ នេះបើតាម លោក សាយ សៀរ៉ា ប្រាប់មកកាន់ Sabay ។

នៅក្នុងពិធីក្រុងពាលីរឿង "លេខាថ្មី" នៅព្រឹកមិញនេះលោក សាយ សៀរ៉ា បានថ្លែងថា "នេះជាលើកទី១ របស់ខ្ញុំចាប់តាំងពីចូលប្រឡូកសិល្បៈខ្ញុំមិនធ្លាប់ចាប់ដៃគូសម្តែងជាមួយ យ៉ាទី នោះទេខ្ញុំសង្ឃឹមថាជួបគ្នាលើកទី១នេះ នឹងទទួលបានការគាំទ្រពីពុកម៉ែបងប្អូន"។

ខ្សែភាពយន្តភាគរឿង"លេខាថ្មី" ដែលចូលរួមសម្តែងដោយ លោក សាយ សៀរ៉ា កញ្ញា គង់វង្ស យ៉ាទី លោក ហម ឈរ៉ា អ្នស្រី ប៉ែន សុផានី លោក ជា សំណាង និងតារាល្បីឈ្មោះជាច្រើនរូបទៀតនោះ កំពុងធ្វើពិធីក្រុងពាលីព្រឹកនេះ នឹងមកបង្ហាញវត្តមាននៅក្នុងរឿងនេះ។ រឿង "លេខាថ្មី" ផលិតកម្មចក្រវាឡពេជ្រភាពយន្ត មានចំនួន៣៦ ភាគ ដែលនឹងដាក់បញ្ចាំងនៅទូរទស្សន៍ប៉ុស្តិ៍លេខ៥ នៅពេលខាងមុខ៕