ក្រុមហ៊ុន អិន.ស៊ី.អិច ហុងដា សម្ពោធម៉ូតូហុងដាឌ្រីម ២០១៧ ជាមួយលក្ខណៈសម្បត្តិពិសេសថ្មីៗជាច្រើន

2016-10-21 20:41:38
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីល្ងាចថ្ងៃទី២០ តុលា ម្សិលមិញនេះ ក្រុមហ៊ុន អិន.ស៊ី.អិច ហុងដា ដែលជាក្រុមហ៊ុនទទួលបានសិទ្ធិចែកចាយផ្ដាច់មុខម៉ូតូម៉ាក HONDA នៅកម្ពុជា និងជាក្រុមហ៊ុនឈានមុខគេ បានបើកទំព័រថ្មីមួយទៀតសម្រាប់ឧស្សាហកម្មម៉ូតូ ដោយសម្ពោធជាផ្លូវការម៉ូតូម៉ាកហុងដាឌ្រីម ស៊េរីថ្មីឆ្នាំ២០១៧ ក្រោមគោលគំនិត "តារារះថ្មី"។

ហុងដាឌ្រីម ២០១៧ នាំមកនូវលក្ខណៈពិសេសៗជាច្រើនដើម្បីឆ្លើយតបទៅនឹងតម្រូវការជាក់ស្តែងរបស់អតិថិជនដែលទន្ទឹងរង់ចាំជាយូរមកហើយ។ ជាមួយនឹងការរចនាទំនើបចុងក្រោយ ម៉ូតូស៊េរីថ្មីនេះមានភ្លើងចង្កៀងក្រោយរចនាម៉ូដស័ក្ដិសមឥតខ្ចោះ កុងតាក់ភ្លើងដែលធានាសុវត្ថិភាព និងផ្ដល់ទំនុកចិត្តខ្ពស់ ផ្ទៃកុងទ័រទំនើបទាន់សម័យ និង កុងតាក់បញ្ឆេះងាយស្រួលប្រើដែលទាំងនេះបង្ហាញពីសករាជថ្មីនៃបច្ចេកវិទ្យាទំនើបឈានមុខគេ។

ម៉ូដែលនេះត្រូវបានរចនាឡើងប្រៀបបាននឹងតារារះថ្មីដោយមានស្លាកកពណ៌ក្រហមថ្មី តែមរចនាបែប 3D ផុសលេចធ្លោ រស់រវើកចែងចាំងប្រៀបដូចកញ្ចុំ Galaxy និងនាំមកនូវភាពទាន់សម័យជាមួយពណ៌ថ្មីមួយទៀត គឺពណ៌មាសដែលយើងឲ្យឈ្មោះថា Golden Moon ដែលស្ថិតក្នុងចំនួនផលិតកម្មមានកំណត់។

បន្ថែមលើលក្ខណៈសម្បត្តិថ្មីពិសេសៗខាងលើ ហុងដាឌ្រីមស៊េរីថ្មីឆ្នាំ២០១៧ នៅមានគុណប្រយោជន៍ជាច្រើនទៀតដែលនាំមកនូវផាសុកភាព និងភាពងាយស្រួលសម្រាប់ការធ្វើដំណើរដូចជា ម៉ាស៊ីនខ្លាំង ការសន្សំសំចៃសាំង និងភាពជាប់ធន់លើគ្រប់ស្ថានភាពផ្លូវដែលធ្វើឱ្យ ហុងដាឌ្រីម ក្លាយជាម៉ូតូដែលមានប្រជាប្រិយភាពខ្ពស់ជាងគេបំផុតនៅលើទីផ្សារ និងបន្តរក្សាកេរ្តិ៍ឈ្មោះរបស់ខ្លួនរហូតមកដល់បច្ចុប្បន្ននេះ។

"យើងកំពុងនាំអតិថិជនទៅកាន់សករាជថ្មីនៃការធ្វើដំណើរដោយម៉ូតូពោរពេញដោយភាពរីករាយ សន្សំសំចៃសាំង មានភាពជឿជាក់ និងមិនប៉ះពាល់បរិស្ថាន។ ហុងដាឌ្រីម ស៊េរីថ្មីឆ្នាំ២០១៧ នឹងធ្វើឱ្យអតិថិជនក្លាយជាតារារះថ្មីជាមួយមោទនភាពក្នុងការក្លាយជាម្ចាស់របស់វា"។ នេះបើតាមការលើកឡើងរបស់លោក បេន គាស្រ៊ីថាណាកន ជាប្រធានក្រុមហ៊ុន អិន.ស៊ី.អិច ហុងដា។

លោក បេន គាស្រ៊ីថាណាកន ជាប្រធានក្រុមហ៊ុន អិន.ស៊ី.អិច ហុងដា

ហុងដាឌ្រីមស៊េរីថ្មីឆ្នាំ២០១៧ នឹងបង្ហាញខ្លួនលើទីផ្សារចាប់ពីថ្ងៃទី២១ តុលា ២០១៦ តទៅនៅហាងលក់ម៉ូតូហុងដាទូទាំងប្រទេស។ ជម្រើសពណ៌សម្រាប់ឆ្នាំនេះ រួមមាន ខ្មៅ មាស និងក្រហម។

អ្នកអាចស្វែងរកព័ត៌មានបន្ថែម និងសកម្មភាពផ្សេងៗទាក់ទងនឹងម៉ូតូម៉ាកហុងដាឌ្រីម ២០១៧ បានតាម រយៈវិបសាយ www.ncxhonda.com.kh ឬ Facebook: Honda Cambodia-NCX និងហាងម៉ូតូលក់ហុងដាទូទាំងប្រទេស ឬទាក់ទងអ្នកស្រី ធីតា (012 935 955) ឬរង់ចាំទស្សនាវីដេអូពាណិជ្ជកម្មថ្មីដែលនឹងចាក់ផ្សាយក្នុងពេលឆាប់ៗនេះ!