ក្រុមគីរីវង់ បញ្ជាក់ពីការខ្ចីជើងយុវជនភ្នំពេញក្រោនពីររូប
- 2016-10-27 16:40:05
- ចំនួនមតិ 0 | ចំនួនចែករំលែក 0
ក្រុមគីរីវង់ បញ្ជាក់ពីការខ្ចីជើងយុវជនភ្នំពេញក្រោនពីររូប
ចន្លោះមិនឃើញ
ក្លឹបបាល់ទាត់គីរីវង់សុខសែនជ័យបានខ្ចីជើងកីឡាករយុវជនភ្នំពេញក្រោន២នាក់គឺ វ៉ាត់ សំណាង និង ឈុត សេងទៀង ដើម្បីត្រៀមប្រជែងតំណែងជើងឯកលីគទី២ ក្នុងគោលបំណងឆ្ពោះមកលេងលីគកំពូលកម្ពុជាវិញ។
លោក ឌុក វាសនា ប្រធានគីរីវង់សុខសែនជ័យបានឲ្យដឹងថា កីឡាករទាំងពីរនាក់ខាងលើជាយុវជនមានអាយុស្របតាមកាកំណត់របស់សហព័ន្ធ។ មិនត្រឹមតែប៉ុណ្ណោះពួកគេជាកីឡាករមានបទពិសោធន៍ច្រើនស្រាប់ និងធ្លាប់លេងក្នុងក្រុមយុវជនជម្រើសជាតិ។
លោកបន្ថែមថា មូលហេតុចម្បងក្នុងការនាំយកកីឡាករពីរនាក់នេះគឺចង់ធ្វើយ៉ាងណាដណ្ដើមជើងឯកលីគទី២ និងអាចឈានទៅលេងលីគកំពូលកម្ពុជាវិញ។ មួយវិញទៀតលោករំពឹងថា ពួកគេនឹងអាចបំពេញចន្លោះប្រហោងនៅតំបន់ការពារ និងប្រយុទ្ធដែលពួកគេអាចលេងក្នុងតួនាទីនេះស្រាប់។
កីឡាករទាំងពីរមានវ័យ១៨ ឆ្នាំបានចូលរួមជាមួយក្លឹបភ្នំពេញក្រោនតាំងពីក្រុមយុវជនរបស់ក្លឹបចាប់ផ្តើមដំបូងនៅឆ្នាំ ២០១១។ ខ្សែការពារកណ្ដាល សំណាង ក៏ស្ថិតនៅក្នុងក្រុមយុវជនអាយុក្រោម ១៩ ឆ្នាំជម្រើសជាតិកម្ពុជា ទៅលេងនៅវៀតណាមកាលពីពេលថ្មីៗនេះ។ ស្របពេលដែលកីឡាករ សេងទៀង ជាខ្សែប្រយុទ្ធធ្លាប់លេងឲ្យក្រុមយុវជនជម្រើសជាតិកម្ពុជាក្រោមអាយុ១៤ និង ១៦ឆ្នាំ៕
អត្ថបទ៖ ស្រី សុវណ្ណដារ៉ា រូបថត៖ ភ្នំពេញក្រោន
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
