អតីតប្រពន្ធ ជៀស ស្រួច រកឃើញគូស្នេហ៍ថ្មី

2016-10-27 17:53:01
ចំនួនមតិ 0 | ចំនួនចែករំលែក 0

ចន្លោះមិនឃើញ

សាត រស្មី បានលើកឡើងថា បន្ទាប់ពីបែកបាក់អតីតស្វាមីលោក ជៀស ស្រួច អស់រយៈពេល១០ឆ្នាំរហូតមកដល់ពេលនេះ នាងរកឃើញគូស្នេហ៍ថ្មីដែលត្រូវចិត្តហើយ។

“ច៎ាសបងខ្ញុំរកឃើញអ្នកថ្មីហើយគាត់គឺជាអនិកជនខ្មែរដែលរស់នៅសហរដ្ឋអាមេរិក ខ្ញុំនិងគាត់បានស្រឡាញ់គ្នាអស់រយៈពេលជាងមួយឆ្នាំមកហើយ ពេលនេះយើងកំពុងតែសិក្សាពីចិត្តគ្នាទៅវិញទៅមក គាត់ដឹងរឿងរ៉ាវខ្ញុំ(ជាមួយ ជៀស ស្រួច) តែគាត់មិនប្រកាន់ខឹងនឹងខ្ញុំទេបង"។ សាត រស្មី ថ្លែង។

អតីតភរិយាលោក ជៀស ស្រួច បន្ថែមថា រូបនាងមិនទាន់ចង់បង្ហាញមុខគូស្នេហ៍ឲ្យមហាជនបានស្គាល់នោះទេ ព្រោះតែនាងជាប់រវល់ជាមួយការងារសិល្បៈ ណាមួយចង់ឲ្យទស្សនិកជនភ្ញាក់ផ្អើលនៅពេលក្រោយ។ នាងបន្ថែម៖ "ច៎ាសបង...បើនិយាយពីរឿងរៀបការវិញប្រហែលជារៀងយូរបន្តិច ព្រោះជាប់រវល់ការងាររៀងៗខ្លួនបង"។

តួឯកស្រីនៅក្នុងរឿង "ត្រកូលអ្នកប្រដាល់" បញ្ជាក់ថា ថ្ងៃខាងមុខបើសិនជានាងរៀបការ នឹងអនិកជនខ្មែរដែលរស់នៅសហរដ្ឋអាមេរិកនេះ នាងនឹងឈប់ពីសិល្បៈទាំងស្រុង ព្រោះត្រូវទៅរស់នៅជាមួយស្វាមីនៅទីនោះ៕

អត្ថបទ៖ ឆុង ស៊ីណាន