Benelli ងាកអភិវឌ្ឍម៉ូតូម៉ាស៊ីនតូច តម្រូវចំណូលចិត្តទីផ្សារអាស៊ីអាគ្នេយ៍

2016-10-30 18:33:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Benelli ជាយីហោក្រុមហ៊ុនផលិតម៉ូតូដ៏ល្បីមួយរបស់អ៊ីតាលី បានអភិវឌ្ឍម៉ូតូជំនាន់ថ្មីដែលមានកម្លាំងម៉ាស៊ីនតូចជាងមុន ជាយុទ្ធសាស្រ្តពង្រីកទីផ្សារប្រើប្រាស់ម៉ូតូរបស់អឺរ៉ុបនៅតំបន់អាស៊ី។

លោក ផេង ដារ៉ា អ្នកគ្រប់គ្រងទូទៅរបស់ក្រុមហ៊ុន Nengshun & Ranqun Motor បានឲ្យដឹងថា ដោយសារមើលឃើញទំនោរនិយមម៉ូតូដែលមានកម្លាំងម៉ាស៊ីនតូចមានការគាំទ្រច្រើន ក្រុមហ៊ុន Benelli បានសហការជាមួយរោងចក្រផលិតម៉ូតូនៅប្រទេសថៃដែលជាទីផ្សារប្រើប្រាស់ម៉ូតូដ៏ធំ ក្នុងការផលិតម៉ូតូដែលមានកម្លាំងម៉ាស៊ីនតូច ដើម្បីបម្រើទីផ្សារអ្នកប្រើប្រាស់ផ្តោតលក់ចែកចាយនៅក្នុងតំបន់អាស៊ីអាគ្នេយ៍។

លោកថា TNT 135 ជាម៉ូតូដំបូងដែលក្រុមហ៊ុនបានអភិវឌ្ឍជាមួយកម្លាំងម៉ាស៊ីនតូច 135 សេសេដែលមានការរចនាថ្មីបច្ចេកវិទ្យានិងរូបរាងខុសពីគេ។

“យើងធ្លាប់តែផលិតម៉ូតូដែលមានកម្លាំងម៉ាស៊ីនធំៗដូចជា ៣០០ សេសេ និង ២៥០ សេសេ ហើយការផលិតម៉ូតូដែលមានកម្លាំងម៉ាស៊ីន ១៣៥ សេសេ ជាលើកដំបូង"។

អ្នកគ្រប់គ្រងរូបនេះបញ្ជាក់ថា គោលដៅរបស់ក្រុមហ៊ុនដើម្បីប្រកួតប្រជែងក្រុមហ៊ុនដទៃទៀតដូចជា Honda និង Kawasaki ដែលទទួលជោគជ័យលើការផលិតម៉ូតូដែលមានកម្លាំងម៉ាស៊ីនតូច និងណាមួយក៏ដើម្បីពង្រីកយីហោក្រុមហ៊ុនម៉ូតូរបស់អ៊ីតាលីនេះ សម្រាប់អតិថិជននៅតំបន់អាស៊ីអាគ្នេយ៍។

ទីផ្សារអាស៊ីមានរីកលូតលាស់លើការប្រើប្រាស់ម៉ូតូដែលមានកម្លាំងតូច ជាពិសេសក្រមយុវវ័យដែលនាំឲ្យក្រុមហ៊ុនយីហោធំៗបានងាកទៅអភិវឌ្ឍប្រភេទម៉ូតូដែលមានកម្លាំងម៉ាស៊ីនតូច ដើម្បីស្របតាមទំនោរនិយមនេះ។

លោក ផេង ដារ៉ា បានបញ្ជាក់ថា TNT 135 ជាប្រភេទម៉ូតូ Mini-Bike ដែលបំពាក់កម្លាំងម៉ាស៊ីន 135 សេសេ។ វាអាចគេហៅថាអ្នកប្រយុទ្ធតាមដងផ្លូវ Street Fighter ដោយសារការរចនារូបរាងនិងការបំពាក់បច្ចេកវិទ្យារបស់វាមិនចាញ់ម៉ូតូដែលមានកម្លាំងម៉ាស៊ីនធំ។ ពិសេសមួយទៀត ម៉ូតូនេះគេអាចយកទៅកែកុនបន្ថែមតាមចំណូលចិត្តរបស់អ្នកប្រើប្រាស់ ដែលជាទំនោរកំពុងពេញនិយមបំផុតសម្រាប់យុវវ័យសម័យថ្មី។

អត្ថបទ៖ ប៊ុណ្ណារ៉ា

ពាក្យទាក់ទង

ព័ត៌មានបច្ចេកវិទ្យាក្នុងស្រុក Nengshun & Ranqun Motor

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

អត្ថបទថ្មី

ស្គាល់ ពស៊ាង តាមរយៈបទអ្វី? ១០បទនេះធានាថាស្ដាប់ហើយ គេងញញឹមតែម្នាក់ឯង ទោះអត់គូក៏ដោយ

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”