នរណាក៏ដឹង តាម៉ុកជាកំពូលមេទ័ពខ្មែរក្រហម ចុះផ្ទះឥឡូវនៅសល់អ្វីខ្លះ?

2016-11-08 06:29:25
ចំនួនមតិ 0 | ចំនួនចែករំលែក 0

ចន្លោះមិនឃើញ

តាម៉ុក ឬឈ្មោះដើម ឈិត ជឿន គឺជាមេទ័ពពូកែម្នាក់របស់ប៉ុល ពត ដែលបានរក្សា និងដឹកនាំកងកម្លាំងបានយ៉ាងរឹងមាំនាសម័យខ្មែរក្រហមតតាំងជាមួយកម្លាំងរបស់រដ្ឋាភិបាល។ អតីតមេដឹកនាំខ្មែរក្រហមរួបនេះ មានផ្ទះមួយកន្លែងដែលត្រូវបានរដ្ឋាភិបាលរក្សាទុកដល់បច្ចុប្បន្ននេះ ពោលគឺនៅភូមិអភិវឌ្ឍ ឃុំអន្លង់វែង ស្រុកអន្លង់វែង ខេត្តឧត្តរមានជ័យ ដោយមានផ្ទៃដីដល់ទៅជិត២ហិកតាឯណោះ។

បច្ចុប្បន្នផ្ទះនោះ ត្រូវបានគេទុកជារមណីយដ្ឋានប្រវត្តិសាស្ត្រមួយដោយរក្សាទុកទាំងអស់នូវរបស់របរប្រើប្រាស់របស់តាម៉ុក ដើម្បីជាការបង្ហាញក្មេងជំនាន់ក្រោយ ឱ្យបានស្គាល់។ មួយវិញទៀតក្នុងផ្ទះនេះហើយ ដែលជាកន្លែងប្រជុំមេដឹកនាំក្នុងសមរភូមិចុងក្រោយរបស់ខ្មែរក្រហម ពោលគឺនៅអន្លង់វែងនេះ ជាទីតាំងរឹងមាំ ដោយបន្តប្រឆាំងកម្លាំងរដ្ឋាភិបាលរហូតដល់ឆ្នាំ១៩៩៨ បើទោះជាមានការចុះកិច្ចព្រមព្រៀងឈប់បាញ់គ្នាតាំងពីឆ្នាំ១៩៩១ហើយក៏ដោយ។

សូមបញ្ជាក់ថា តាម៉ុក ជាអតីតសមាជិកអចិន្ត្រៃយ៍របស់ខ្មែរក្រហម ដោយលោកក៏ជាមេទ័ពមានយុទ្ធសាស្ត្រខ្ពស់ម្នាក់ផងដែរ។ តាម៉ុក ត្រូវរដ្ឋាភិបាលចាប់ខ្លួនបាននៅថ្ងៃទី៦ ខែមីនា ឆ្នាំ១៩៩៩ ដោយក្រោយមកលោកក៏បានស្លាប់នៅថ្ងៃទី២១ ខែកក្កដា ឆ្នាំ២០០៦។ បើតាមអ្នកនៅក្នុងស្រុកអន្លង់វែងបានបញ្ជាក់ថា សពរបស់មេដឹកនាំកំពូលរបស់ខ្មែរក្រហមរូបនេះ ត្រូវបានសាច់ញាតិយកទៅបញ្ចុះនៅវត្តធម្មារាម ឬវត្តស្រះឈូក ស្ថិតនៅភូមិស្រះឈូក ឃុំត្រពាំងព្រៃ ស្រុកអន្លង់វែង ខេត្តឧត្តរមានជ័យ៕

ចង់ដឹងថាផ្ទះរបស់មេដឹកនាំខាងលើសល់អ្វីខ្លះ សូមទស្សនាទាំងអស់គ្នា៖