ហ៊ីឡារី គ្លីនតុន៖ «ផ្ដល់ឱកាសឲ្យ លោក ត្រាំ ដឹកនាំចុះ»

2016-11-10 01:19:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិកថ្មី ដែលទើបតែជាប់ឈ្មោះ តាមរយៈការបោះឆ្នោត លោក ដូណាល់ ត្រាំ ត្រូវតែទទួលបានឱកាសក្នុងការដឹកនាំ។ នេះបើតាមសម្តី របស់ លោកស្រី ហ៊ីឡារី គ្លីនតុន ដែលបានទទួលបរាជ័យក្នុងការបោះឆ្នោតនៅអាមេរិក កាលពីម្សិលមិញនេះ។

នៅក្នុងការបង្ហាញមុខជាសាធារណៈលើកដំបូង បន្ទាប់ពីទទួលបានបរាជ័យ លោកស្រី គ្លីនតុន បានសង្ឃឹមថា លោក ត្រាំ អាចក្លាយជាប្រធានាធិបតីដែលទទួលបានជោគជ័យ សម្រាប់ជនជាតិអាមេរិកទាំងអស់។

លោកស្រី ហ៊ីឡារី គ្លីនតុន (រូបភាពផ្តល់សិទ្ធិដោយ ៖ Reuters)

ចំណែកឯអតីតប្រធានាធិបតីអាមេរិក ទី៤៤ លោក ប៉ារាក់ អូប៉ាម៉ា ក៏បានអបអរសាទរចំពោះ លោក ត្រាំ តាមរយៈទូរសព្ទ ផងដែរ ដោយបាននិយាយថា វាមិនមែនជាអាថ៌កំបាំងឡើយ ដែលលោក (អូប៉ាម៉ា) និង លោក ត្រាំ មានភាពខុសប្លែកគ្នាគួរឲ្យកត់សម្គាល់។ ប៉ុន្តែ លោក អូប៉ាម៉ា បានបន្ថែមថា «យើងទាំងអស់គ្នាចង់បានអ្វីដែលល្អសម្រាប់ប្រទេសអាមេរិក»។

រីឯលោក ត្រាំ វិញ ក៏បានបង្ហើបពីជំហានរបស់លោក ក្រោយពេលឈ្នះឆ្នោតដែរ ដោយនិយាយថា អាទិភាពបន្ទាន់របស់លោក គឺការស្តាឡើងវិញនូវហេដ្ឋារចនាសម្ព័ន្ធ និងធ្វើឲ្យមានកំណើនសេដ្ឋកិច្ចទ្វេដង ក្នុងប្រទេសអាមេរិក។

លោក ដូណាល់ ត្រាំ (រូបភាពផ្តល់សិទ្ធិដោយ ៖ Reuters)

យ៉ាងណាមិញ លោកស្រី គ្លីនតុន បានជំរុញឲ្យអ្នកគាំទ្ររបស់លោកស្រី គោរព និងទទួលស្គាល់ពីលទ្ធផលនៃការបោះឆ្នោត ដោយនិយាយថា រដ្ឋធម្មនុញ្ញចែងពីការផ្លាស់ប្ដូរអំណាចគ្នាដោយសន្តិវិធី។

«ខ្ញុំសោកស្ដាយណាស់ ដែលយើងមិនបានឈ្នះការបោះឆ្នោត សម្រាប់តម្លៃដែលយើងបានចែករំលែក និងចក្ខុវិស័យ ដែលយើងបានរក្សាទុកសម្រាប់ប្រទេសជាតិយើង។ យើងបានមើលឃើញថា ប្រទេសជាតិយើង ត្រូវបានបែងចែកកាន់តែខ្លាំង ជាងអ្វីដែលយើងគិតទៅទៀត។ ផ្ញើទៅកាន់ក្មេងស្រីតូចៗទាំងអស់... កុំសង្ស័យ ព្រោះអ្នកមានតម្លៃ និងខ្លាំងក្លា ហើយសក្ដិសមនឹងទទួលបានគ្រប់ឱកាសទាំងអស់ នៅលើពិភពលោក»។ នេះបើតាមសម្ដី លោកស្រី គ្លីនតុន ថ្លែងប្រាប់អ្នកគាំទ្រ ក្រោយពេលទទួលបរាជ័យ។

គួររំលឹកថា លោក ដូណាល់ ត្រាំ ដែលមកពីគណបក្សសាធារណរដ្ឋ បានយកឈ្នះលើ លោកស្រី ហ៊ីឡារី គ្លីនតុន ដែលមកពីគណបក្សប្រជាធិបតេយ្យ ដោយលទ្ធផលគឺ លោក ត្រាំ ទទួលបានរហូតដល់ទៅ ២៧៦ប្រតិភូ ខណៈលោកស្រី គ្លីនតុន ទទួលបាន ត្រឹមតែ ២២៨ ប្រតិភូ ប៉ុណ្ណោះ៕

ប្រភព៖ BBC ប្រែសម្រួល៖ សេង ឡុង

ពាក្យទាក់ទង

ព័ត៌មានសង្គមអន្តរជាតិ បោះឆ្នោតនៅអាមេរិក២០១៦

អត្ថបទពេញនិយម

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

អត្ថបទថ្មី

លោកបណ្ឌិត អាំង សិរីពិសិដ្ឋ រំពឹងថ្ងៃណាមួយការលេងបាល់ទះខុសបច្ចេទេសនឹងត្រូវលុបបំបាត់ទាំងស្រុង

ដំណើរចេញពីបេះដូង៖ មិត្តហ្វូន និងកាកបាទក្រហមកម្ពុជា

ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ចុះទស្សនកិច្ចនៅរោងចក្រកែច្នៃផលិតផលអាហារ និងបំលែងសាច់មាន់ក្រុមហ៊ុន ស៊ី.ភី. ខេមបូឌា

BYD ចេញឡានភីកអាប់ Hybrid ថ្មី សាកភ្លើងក៏បាន ហើយមានការ៉ាអូខេទៀត

Ronaldo បានក្លាយជាអត្តពលិករកលុយច្រើនជាងគេលើលោកនៅឆ្នាំ២០២៤

Xavi អាចនឹងត្រូវបានបញ្ចប់ពីតំណែង