ផ្ទុះការបាញ់ប្រហារ នៅកន្លែងតវ៉ាប្រឆាំង លោក ដូណាល់ ត្រាំ នៅវ៉ាស៊ីនតោន
- 2016-11-10 05:03:19
- ចំនួនមតិ 0 | ចំនួនចែករំលែក 0
ផ្ទុះការបាញ់ប្រហារ នៅកន្លែងតវ៉ាប្រឆាំង លោក ដូណាល់ ត្រាំ នៅវ៉ាស៊ីនតោន
ចន្លោះមិនឃើញ
ខ្មាន់កាំភ្លើងម្នាក់ បានបើកការបាញ់ប្រហារ នៅក្បែរកន្លែងតវ៉ាប្រឆាំង លោក ដូណាល់ ត្រាំ ក្នុងទីក្រុង Seattle រដ្ឋ Washington សហរដ្ឋអាមេរិក នៅយប់ ថ្ងៃពុធ ទី០៩ ក្រោយពីមានការឈ្លោះប្រកែកគ្នា បណ្ដាលឲ្យមនុស្សចំនួន ៥នាក់បានរងរបួស ដោយក្នុងនោះមានម្នាក់រងរបួសធ្ងន់។
ការបាញ់ប្រហារគ្នានេះ មិនមានជាប់ពាក់ព័ន្ធទៅនឹង ការធ្វើបាតុកម្មតវ៉ាប្រឆាំងលោក ត្រាំ ឡើយ ប៉ុន្តែវាបណ្ដាលមកពីជម្លោះបុគ្គលទៅវិញទេ។ នេះបើតាមសម្ដី ជំនួយការប្រធាននាយកដ្ឋានប៉ូលិសទីក្រុង Sealttle លោក Robert Merner ប្រាប់អ្នកកាសែត។
«វាបង្ហាញឲ្យឃើញថាមានជម្លោះកើតឡើងនៅកន្លែងតវ៉ាប្រឆាំងនោះ។ បន្ទាប់មក ខ្មាន់កាំភ្លើងបានដើរចេញពីហ្វូងមនុស្ស និងបែរមកបាញ់ចូលមកក្នុងហ្វូងមនុស្សវិញ»។ លោក Merner ប្រាប់ឲ្យដឹងបន្ថែម។
លោក Merner បានឲ្យដឹងទៀតថា ក្រោយពេលកើតហេតុ ជនសង្ស័យបានរត់គេចខ្លួនបាត់ស្រមោលតែម្ដង។
ទោះជាយ៉ាងណា ប៉ូលិស និងក្រុមអ្នកពន្លត់អគ្គិភ័យ បានទៅដល់កន្លែងកើតហេតុភ្លាមៗ ព្រោះពួកគេបានប្រចាំការនៅទីនោះ ដើម្បីត្រួតពិនិត្យការធ្វើបាតុកម្ម ប៉ុន្តែមិនបានទៅទាន់ពេលជនសង្ស័យរត់គេចខ្លួនឡើយ៕