សុវណ្ណ រ៉ាផា និយាយអ្វីខ្លះពី សុគន្ធកញ្ញា និង សុខ សោម៉ាវត្តី?

2016-11-16 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង សុវណ្ណ រ៉ាផា បានសរសើរតារាសម្ដែងស្រីរៀមច្បងមិនដាច់ពីមាត់ដោយសារអត្តចរិត និងភាពរួសរាយតាំងពីជួបលើកដំបូងគឺ អ្នកនាង សុខ សោម៉ាវត្តី ចំណែកឯ សុគន្ធកញ្ញា វិញមិនធ្លាប់ជួបទេតែចូលចិត្តបទចម្រៀងខ្លាំង។

សុវណ្ណ រ៉ាផា បានលើកឡើងថាតាមពិតនាងចូលចិត្តអ្នកនាង សុខ សោម៉ាវត្តី តាំងពីយូរណាស់មកម្ល៉េះ គ្រាន់តែមិនដែលបានរួមការងារជាមួយ រហូតបានថតរឿង"ទង់ព្រលឹង"ដំបូងជុំគ្នាទើបនាងដឹងថាតួស្រី "បណ្ដឹងស្រីទាំង៥" គឺជាមនុស្សរួសរាយនិងគួរឲ្យគោរព។

មិនតែប៉ុណ្ណោះតួស្រីនៅក្នុងរឿង "ចំណារព្រហ្មលិខិត" ក៏បានលើកពីតារាចម្រៀងស្រីនៅក្នុងដួងចិត្តរបស់នាងផងដែរគឺ ឱក សុគន្ធកញ្ញា នាងមិនធ្លាប់បានរួមការងារជាមួយតារារៀមច្បងរូបនេះទេ តែនាងចូលចិត្តរាល់បទចម្រៀងរបស់តារាចម្រៀងជួរមុខរូបនេះ គឺចូលចិត្តតាំងពីតូចៗម្ល៉េះ៕