គ្រូទាយពិការភ្នែក ដឹងរឿងហេតុលើពិភពលោក ធ្លាប់ទាយអ្វីខ្លះ ពីប្រធានាធិបតីអាមេរិក?

2016-11-11 09:23:59
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូទាយពិការភ្នែកដ៏ល្បី ដែលបានទស្សន៍ទាយពីហេតុការណ៍ ក្រុមភេរវកម្មអ៊ីស្លាមប្លន់យន្តហោះ និងបើកបុកអគារភ្លោះ World Trade Center កាលពីថ្ងៃទី១១ ខែកញ្ញា ឆ្នាំ២០០១ (ហៅកាត់ថា ហេតុការណ៍ 9/11) និងការកកើតឡើង នៃរដ្ឋអ៊ីស្លាម ISIS រួមទាំងគ្រោះរញ្ជួយដី កម្រិត៩,៣វ៉ិចទ័រ និងព្យុះស៊ូណាមី នៅមហាសមុទ្រឥណ្ឌា កាលពីថ្ងៃទី២៦ ខែធ្នូ ឆ្នាំ២០០៤ (ហៅកាត់ថា ហេតុការណ៍ 2004 Boxing Day) និងហេតុការណ៍ធំៗជាច្រើនទៀត នៅជុំវិញពិភពលោក ក៏ធ្លាប់បានទស្សន៍ទាយពីប្រធានាធិបតីអាមេរិកដែរ ដោយនិយាយថា លោក បារ៉ាក់ អូបាម៉ា នឹងក្លាយជាប្រធានាធិបតីអាមេរិក ចុងក្រោយគេបង្អស់។

អគារភ្លោះ World Trade Center នៅពេលកើតហេតុ

គ្រូទាយសញ្ជាតិប៊ុលហ្គារី ឈ្មោះ Baba Vanga ដែលបានស្លាប់ ក្នុងឆ្នាំ១៩៩៦ នៅអាយុ៨៥ឆ្នាំ រូបនេះ ទាយឈុតខ្លាំងណាស់ ដោយមានអាត្រាទាយត្រូវរហូតដល់ទៅ ៨៥ភាគរយ និង ធ្លាប់បានទាយយ៉ាងត្រឹមត្រូវថា ប្រធានាធិបតីអាមេរិក ទី៤៤ (អូបាម៉ា) នឹងជាជនជាតិ អាហ្វ្រិក-អាមេរិក ស្បែកខ្មៅ។

គ្រូទាយពិការភ្នែក Baba Vanga

គ្រូទាយខាងលើ ធ្លាប់បាននិយាយនៅពេលទស្សន៍ទាយនោះថា «មនុស្សគ្រប់គ្នានឹងដាក់ក្ដីសង្ឃឹមលើរូបគាត់ (អូបាម៉ា) រហូតដល់ទីបញ្ចប់ ប៉ុន្តែភាគីម្ខាងទៀតនឹងកើតមានឡើង។ ភាគីម្ខាងនោះនឹងនាំឲ្យប្រទេសជាតិធ្លាក់ចុះ និងមានការប៉ះទង្គិចគ្នា រវាងភាគខាងជើង និងបណ្ដារដ្ឋភាគខាងត្បូង កាន់តែខ្លាំងឡើង»។

ប្រធានាធិបតីអាមេរិក ទី៤៤ លោក បារ៉ាក់ អូបាម៉ា (រូបភាពផ្តល់សិទ្ធិដោយ ៖ Reuters)

ទោះបីជាយ៉ាងណាក៏ដោយ គេមិនទាន់ដឹងច្បាស់នៅឡើយទេថា ការទស្សន៍ទាយថា លោក អូបាម៉ា នឹងក្លាយជាប្រធានាធិបតីអាមេរិកចុងក្រោយបង្អស់នេះ មានន័យយ៉ាងណា ខណៈជាក់ស្ដែង លោក អូបាម៉ា នៅតែមានតំណែងជាប្រធានាធិបតីអាមេរិក ដដែល រហូតដល់ បេក្ខភាពប្រធានាធិបតីអាមេរិក ដែលទើបឈ្នះឆ្នោត លោក ដូណាល់ ត្រាំ ចូលស្បថសច្ចា នៅថ្ងៃទី២០ ខែមករា ឆ្នាំ២០១៧ ខាងមុខនេះ៕