តារា​សម្ដែង​ស្រី​ Fan Bingbing ,Shu Qi ​និង​តារា​សម្ដែង​ចិន​ តៃវ៉ាន់​ជា​ច្រើន​រូប​​បាន​មក​ជួបជុំ​គ្នា​ក្នុង​កម្មវិធី​មហោស្រព​ភាពយន្ត Golden Horse លើក​ទី​៥៣ កាល​ពី​ល្ងាច​​ថ្ងៃ​ទី ២៦ ខែ វិច្ឆិកា​នៅ​ឯ​​តៃប៉ិ (តៃវ៉ាន់)។

កម្មវិធី​ដ៏​ធំ​ផ្នែក​ភាពយន្ត​របស់​ចិន​មួយ​នេះ​ត្រូវ​បាន​គេ​ប្រដូច​នឹង​កម្មវិធី​ប្រគល់​ពាន់​រង្វាន់ Oscar របស់​អាមេរិក។ នៅ​លើ​កម្រាល​ព្រំ​ក្រហម​នៃ​កម្មវិធី​មហោស្រព​ភាពយន្ត Golden Horse តារា​សម្ដែង​ចិន Fan Bingbing បាន​ដើរ​អម​ជាមួយ​​អ្នក​ដឹក​នាំ​របស់​ខ្លួន​លោក​ Feng Xiaogang ក្នុង​ឈុត​រ៉ូប​ពណ៌​ទឹក​ប៊ិច​​ឆែក​ចំហៀង​ដល់​គល់​ភ្លៅ។

ក្នុង​កម្មវិធី​ដ៏​អធិកអធម​នោះ​ គេ​ក៏​ឃើញ​វត្តមាន​តារា​ស្រី​តៃវ៉ាន់ Shu Qi​ផង​ដែរ។ ត្បិត​តែ​រៀង​ឡើង​សាច់​បន្តិច​ក្រោយ​ពី​រៀបការ ប៉ុន្តែ​តារា​ស្រី​ដែល​ធ្លាប់​ប្រឡូក​ក្នុង​ភាពយន្ត​ក្ដៅ​សាច់​រូប​នេះ​ក៏​បាន​បញ្ចេញ​ភាព​សិចស៊ី​មិនចាញ់ Fan Bingbing ដោយ​​ស្លៀក​ឈុត​ពណ៌​មាស​ភ្លឺ​ផ្លេក​ៗ វាល​ដើម​ទ្រូង​ធ្វើ​ឲ្យ​គ្រប់គ្នា​ដែល​ចូលរួម​ចាប់​អារម្មណ៍​យ៉ាង​ខ្លាំង៕

១. តារា​សម្ដែង​ចិន Fan Bingbing

២.តារា​សម្ដែង​តៃវ៉ាន់ Shu Qi

៣.តារា​សម្ដែង​តៃវ៉ាន់ Tiffany Ann Hsu

៤.តារា​សម្ដែង​ហុងកុង Coco Lee

៥.តារា​សម្ដែង​តៃវ៉ាន់ Ariel Lin

៦.តារា​សម្ដែង​តៃវ៉ាន់ Kwai Lun-Mei

៧.តារា​សម្ដែង​តៃវ៉ាន់ Richie Ren

៨. តារា​សម្ដែង​កូរ៉េ Song Seung Hun

៩. តារា​សម្ដែង​ចិន Sichun Ma ​​​

ប្រភព៖ Zing   ប្រែ​សម្រួល៖ ហេង សុធារិទ្ធិ