TosFund និង CamboTicket ដណ្ដើមបានមេដាយប្រាក់និងសំរឹទ្ធ Asean ICT Award ២០១៦

2016-11-28 08:42:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមតំណាងប្រទេសកម្ពុជាដែលបានចូលរួមប្រកួតវគ្គផ្ដាច់ព្រ័ត្រពានរង្វាន់អាស៊ាន ICT Award ឆ្នាំ ២០១៦ ដណ្ដើមបានមេដាយប្រាក់ និងសំរឹទ្ធិលើវិញ្ញាសាពីរផ្សេងគ្នាពោលគឺ ពានរង្វាន់មេដាយប្រាក់ផ្នែកទំនួលខុសត្រូវសង្គមបានទៅលើក្រុមការងារ TosFund ចំណែកឯពានរង្វាន់មេដាយសំរឹទ្ធផ្នែកគម្រោង StartUp បានទៅលើកម្មវិធីកក់សំបុត្រឡានតាមអនឡាញ CamboTicket ដែលធ្វើនៅប្រទេសប្រ៊ុយណេកាលពីយប់ថ្ងៃសុក្រសប្ដាហ៍មុន។

ក្រុមការងារតោះហ្វាន់ និង CamboTicket ក្នុងពេលទទួលមេដាយ

ក្រុមការងារតោះហ្វាន់ ដែលមានលោក ផាន់ វុទ្ធី ជាសហស្ថាបនិក និងនាយកប្រតិបត្តិអង្គការ Action IEC លោក ឌឹម ប៊ុនធឿន ជាសហស្ថាបនិកលើគម្រោងតោះFund លោកគង់ សោមវ៉ាន់ដា សហស្ថាបនិកតោះ Fund និងជា CEO AI Solution Co., Ltd លោក អែល អាតនិងក្រុមការងារ CamboTicket ដែលបានទៅចូលរួមប្រកួតវគ្គផ្ដាច់ព្រ័ត្រនេះបានសម្ដែងអារម្មណ៍រីករាយយ៉ាងខ្លាំង ព្រោះក្នុងចំណោមប្រទេសដែលបានចូលរួមជាង ១០ ប្រទេសកម្ពុជាទទួលបានពានរង្វាន់ ទោះបីជាឈ្នះត្រឹមមេដាយប្រាក់ក៏ដោយ។

ពានរង្វាន់មេដាយប្រាក់

អាស៊ាន ICT Award ជាកម្មវិធីថ្នាក់អាស៊ានដែលបានបើកឱ្យដាក់ពាក្យ ចាប់ពី ១៤ មីនានឹងបិទវិញ ១៧ ខែមិថុនា ២០១៦ កាត់សេចក្ដីដំណាក់ដំបូងតាមអ៊ីនធឺណិត ចាប់ពីថ្ងៃទី ៤ដល់ ១៧ កក្កដា ២០១៦ ហើយកាត់សេចក្ដីក្នុងខែសីហានៅប្រទេស មីយ៉ាន់ម៉ានិងបន្តដល់វគ្គផ្ដាច់ព្រ័ត្រនៅប្រទេសប្រ៊ុយណេកាលពីថ្ងៃទី ២៦ ខែវិច្ឆិកាម្សិលមិញ មានបេក្ខជនជាច្រើន ដែលបានដាក់ពាក្យចូលរួមប្រកួតប្រជែងនៅក្នុងវិញ្ញាសា 6 ប្រភេទខុសគ្នាមានដូចជា: ១. វិស័យសាធារណៈ ២. វិស័យឯកជន, ៣. ទំនួលខុសត្រូវសង្គមរបស់ក្រុមហ៊ុន, ៤. មាតិកាឌីជីថល, ៥. បង្កើតក្រុមហ៊ុន ៦. ស្រាវជ្រាវនិងអភិវឌ្ឍន៍ គំនិតអាជីវកម្មគឺរាប់ចាប់ពីការផ្ដល់សេវា ការអប់រំ, ការកម្សាន្ត, សុខភាព, ទូរគមនាគមន៍, ត្រួតពិនិត្យចរាចរណ៍ និងកម្មវិធីអាជីវកម្ម៕