សិង្ហបុរី និងថៃ ដណ្ដើមបានមេដាយមាសច្រើនជាងគេនៅ ASEAN ICT AWARD ឆ្នាំនេះ

2016-11-29 06:51:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់បច្ចេកវិទ្យាប្រចាំតំបន់អាស៊ីអាគ្នេយ៍ ASEAN ICT AWARD ឆ្នាំ ២០១៦ បានបញ្ចប់ទៅកាលពីសប្ដាហ៍មុន។ ការប្រកាសជយលាភីដែលធ្វើនៅប្រទេសប្រ៊ុយណេ ជាលទ្ធផលប្រទេសថៃនិងសិង្ហបុរីដណ្ដើមបានមេដាយច្រើនជាងគេក្នុងចំណោមប្រទេសអាស៊ានទាំង ១០ ដែលចូលរួមប្រកួតនៅវគ្គផ្តាច់ព្រ័ត្រ។

ទិដ្ឋភាពក្រោយពេលទទួលមេដាយ

មេដាយមាសសរុបចំនួន ៦ បានទៅលើក្រុមតំណាងមកពីប្រទេសថៃ និងសិង្ហបុរីក្នុងនោះ ប្រទេសសិង្ហបុរីទទួលបានមេដាយមាសបីលើវិញ្ញាសារខុសៗគ្នាដូចជាវិស័យសាធារណៈ, វិស័យមាតិកាឌីជីថល និងវិញ្ញាសារស្រាវជ្រាវនិងអភិវឌ្ឃន៍។ ប្រទេសថៃទទួលបានមេដាយមាសមួយលើវិញ្ញាសារទំនួលខុសត្រូវសង្គម និងដណ្ដើមបានមេដាយចំនួន ៦ មានប្រាក់និងសំរឹទ្ធលើវិញ្ញសារផ្សេងៗទៀត។

ចំណែកប្រទេសរៀតណាមទទួលមេដាយមាសផ្នែកវិញ្ញសារក្រុមហ៊ុនបង្កើតថ្មី (StartUp Company) និងប្រទេសឥណ្ឌូនេស៊ីទទួលបានមេដាយមាសលើវិញ្ញសារវិស័យឯកជន៕

លទ្ធផលជាផ្លូវការ ប្រកាសនៅប្រ៊ុយណេ កាលពីយប់ថ្ងៃសុក្រ

ពានរង្វាន់ Asean ICT Award ជាគម្រោងដែលរៀបចំឡើងដោយរដ្ឋមន្ត្រីទូរគមនាគមន៍អាស៊ាន។ កម្មវិធីនេះធ្វើឡើងដើម្បីលើកកម្ពស់ការច្នៃប្រឌិតលើវិស័យបច្ចេកវិទ្យា និងបំណងទទួលស្គាល់សមិទ្ធផលវិស័យ ICT ដ៏ល្អបំផុតក្នុងចំណោមសហគ្រិននៅទូទាំងតំបន់អាស៊ាន។ កម្មវិធីនេះក៏ដើម្បីផ្តល់ឱកាសដល់ការអភិវឌ្ឍន៍អាជីវកម្មនិងលើកកម្ពស់នៃការទំនាក់ទំនងពាណិជ្ជកម្មក្នុងសហគមន៍និងក្នុងតំបន់អាស៊ាន។

ពានរង្វាន់នេះមានការប្រកួតលើវិញ្ញាសាចំនួន ៦ មានដូចជា លើវិស័យសាធារណៈ, វិស័យឯកជន,ការរួមចំណែកទទួលខុសត្រូវក្នុងសង្គម,មាតិកាឌីជីថល (Digital Content),ការបង្កើតធុរកិច្ច,ការស្រាវជ្រាវ និងការអភិវឌ្ឍន៍៕

អត្ថបទ៖ រក្សា

រូបភាព៖ Hoang.d.xuan