គីរីវង់តាំងចិត្តលើកពានលីគទី២ ក្រោយឈរកំពូលតារាងគិតត្រឹមសប្ដាហ៍ទី៥
- 2016-11-30 03:01:58
- ចំនួនមតិ 0 | ចំនួនចែករំលែក 0
គីរីវង់តាំងចិត្តលើកពានលីគទី២ ក្រោយឈរកំពូលតារាងគិតត្រឹមសប្ដាហ៍ទី៥
ចន្លោះមិនឃើញ
ក្លឹបបាល់ទាត់គីរីវង់សុខសែនជ័យបានតាំងចិត្តថា នឹងលើកពានលីគលំដាប់ទី២របស់កម្ពុជាឲ្យបាន បន្ទាប់ពីឆ្លងកាត់ ៥សប្ដាហ៍កន្លងទៅពួកគេឈរកំពូលតារាងមាន១២ពិន្ទុ។
លោក ឌុក វាសនា អគ្គលេខាធិការក្លឹបគីរីវង់សុខសែនជ័យបានឲ្យដឹងថា គោលដៅរបស់ក្លឹបត្រូវធ្វើឲ្យបានសម្រេចក្នុងការលើកពានលីគទី២ ដើម្បីបានឡើងទៅលេងលីគលំដាប់កំពូលវិញ។ បន្ទាប់ពីបានឡើងទៅលេងលីគកំពូលវិញក្លឹបរបស់លោកត្រូវការរៀបចំឲ្យបានល្អខ្ពស់បំផុត ទើបអាចប្រជែងយកតំណែងល្អមួយនៅក្របខ័ណ្ឌដែលមានសុទ្ធតែក្រុមខ្លាំងបាន។
លោកបន្ថែមថា គ្រប់ការចូលរួមរបស់ក្លឹបត្រូវកំណត់គោលដៅទុកជាមុន ដើម្បីអាចត្រៀមខ្លួនឲ្យបានល្អ និងទទួលបានលទ្ធផលល្អ។ មួយទៀតក្លឹបមិនទាន់កំណត់ថា ក្រោយពេលបានឡើងទៅលេងលីគកំពូលវិញឈានទៅរកការលើកពាននោះទេ ព្រោះហួសសមត្ថភាពកីឡាករ។
ប្រកួតចុងក្រោយរបស់ក្លឹបគីរីវង់សុខសែនជ័យគឺលត់ក្រុមខេត្តកំពង់ស្ពឺ ៣-០ នៅទឹកដីខេត្តកំពង់ស្ពឺ។ គិតត្រឹមពេលនេះក្រុមមួយនេះមាន ១២ពិន្ទុនៅលើគេក្នុងតារាង ខណៈក្រុមអគ្គិសនីកម្ពុជាស្ថិតនៅលេខពីរតាមពីក្រោយមាន ១០ពិន្ទុ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
