កុមារា ហ៊ិន ដើរទូកតាំងពីតូចរកប្រាក់ជួយម្ដាយ

2016-12-05 02:52:28
ចំនួនមតិ 0 | ចំនួនចែករំលែក 0

ចន្លោះមិនឃើញ

កុមារា ហ៊ិន វ័យ១១ឆ្នាំ កើតនៅក្នុងខេត្តកោះកុង ប៉ែកនិរតីនៃប្រទេសកម្ពុជា។ ហ៊ិន ចាប់ផ្ដើមធំដឹងក្ដី ស្គាល់តែទឹកសមុទ្រ និង កោះ ព្រោះកុមារារូបនេះ បានដើរទូករកគ្រឿងសមុទ្រ និង ទូកដឹកភ្ញៀវទេសចរពីត្រើយកោះកុង ទៅកោះស្ដេច ពីកោះស្ដេចទៅកោះស្មាច់ ជាដើម ដើម្បីរកប្រាក់ជួយម្ដាយដែលមានជីវភាពខ្វះខាត តាំងពីខ្លួននៅតូចៗមកម៉្លេះ។

“ក្នុង១ថ្ងៃខ្ញុំអាចរកបាន ១ម៉ឺនរៀល ឬ២ម៉ឺនរៀលតាមភ្ញៀវគេឲ្យ"។ និយាយមួយៗ កុមារា ហ៊ិន បានរៀបរាប់ទៀតថា "ខ្ញុំដើរទូកតាំងពីនៅតូចៗ ជាមួយក្រុមគ្រួសារ និង អ្នកជិតខាង។ ជួនកាលប៉ាខ្ញុំទៅនេសាទខ្ញុំទៅជាមួយ តែបើមានភ្ញៀវទេសចរមកលេងខ្ញុំមកជាមួយពូ តែមកជាមួយគាត់អត់បានលុយទេ គឺអាស្រ័យលើភ្ញៀវឲ្យ ពេលខ្ញុំជួយលើកឥវ៉ាន់ឲ្យពួកគាត់"។

នៅពេលសួរថា តើប្អូនរកប្រាក់បានតើយកទៅធ្វើអ្វី? និយាយមិនបង្អង់ ហ៊ិន បាននិយាយថា ប្រាក់ដែលរកបានយកទៅឲ្យម្ដាយ និងប្អូនៗបានរៀនសូត្រ។

ហ៊ិន បានចំណាយពេលដើរទូកនេសាទ និង ទេសចរណ៍ខាងលើ គឺនៅពេលទំនេរពីការសិក្សាថ្នាក់ទី ២ នៅសាលបឋមសិក្សាកោះស្ដេច ស្ថិតនៅក្នុងស្រុកគីរីសាគរ ខេត្តកោះកុង។ ហ៊ិន មានបងប្អូនចំនួន ៣នាក់ ប្រុស២ និងស្រី ១ ហើយហ៊ិនគឺជាកូនច្បងនៅគ្រួសារ៕

ចុចទស្សនាវីដេអូ ស្ដាប់ការរៀបរាប់របស់ ហ៊ិន ខាងក្រោមនេះ