សម្ដែងក្នុងរឿង "វិកលចរិត" នាំ វណ្ណឌី ពិសិដ្ឋ នឹកឃើញហេតុការណ៍កាលជាង១០ឆ្នាំមុន

2016-12-06 05:34:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តបានស្គាល់មកហើយពីលោក វណ្ណឌី ពិសិដ្ឋ តួអង្គ វិចិត្រ ក្នុងរឿង "វិកលចរិត" ខ្សែភាពយន្តខ្មែរដែលនិយាយពីមនុស្សមានសតិមិនគ្រប់ ក្នុងនោះលោកបានប្រាប់ថា រឿងនេះ បាននាំឲ្យលោកនឹកឃើញរឿងមួយជាង១០ឆ្នាំមុន។

ពិសិដ្ឋបានប្រាប់ថា ហេតុការណ៍នោះ គឺពាក់ព័ន្ធនឹងមនុស្សមានសតិមិនគ្រប់ ឬ "មនុស្សឆ្កួត" ដូចដែលលោកបានជួបក្នុងរឿង "វិកលចរិត" ហើយក៏ជាហេតុដែលធ្វើឲ្យលោកខ្លាចមនុស្សប្រភេទនោះរហូតមក។

តួប្រុសរូបនេះ បានរំលឹកថា កាលពីលោកនៅពីក្មេងរៀនថ្នាក់ទី៧ មានស្ត្រីវិកលចរិតដែលមានផ្ទៃពោះម្នាក់ស្រាប់រត់មកអោបលោកពីក្រោយហើយសុំលុយ។ហេតុការណ៍បានដក់ជាប់ក្នុងអារម្មណ៍របស់លោក និងធ្វើឲ្យលោកខ្លាចមនុស្សឆ្កួតយ៉ាងខ្លាំងក្នុងជីវិតទោះបីជាឥឡូវលោកមានវ័យ២៩ឆ្នាំហើយក៏ដោយ។

លោកបន្តថាទោះបីជាមានភាពភ័យខ្លាចខ្លាំងចំពោះអតីតកាលមួយនេះ ពិតមែនតែលោកនៅតែជម្នះចង់សម្ដែងរឿង "វិកលចរិត" ហើយជាតួអង្គមិត្តជិតស្និទ្ធជាមួយមនុស្សវិកលចរិតទៀត។ តួឯកក្នុងរឿង " គ្រាប់ពេជ្រ" រូបនេះថ្លែង៖ "នេះក៏ជាមូលហេតុដែលខ្ញុំសម្រេចចិត្តសម្ដែងរឿងហ្នឹង(វិកលចរិត) ព្រោះខ្ញុំចង់ជម្នះនូវភាពភ័យខ្លាចរបស់ខ្លួនឯង"។

ស្ដាប់វីដេអូដែលគាត់រៀបរាប់មើល៍...គួរឲ្យខ្លាចអត់!