តិចនិក រើសឪឡឹកបានទុំ សាច់ល្អ

2016-12-07 06:34:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលទិញឪឡឹក ប្រាកដជាចង់បាន សាច់ក្រហមទុំ ណែនល្អ ប៉ុន្តែមិនទាន់ចេះរើស។ ទៅស្ដាប់បុរសអ្នកលក់ឪឡឹកមកពីខេត្តព្រៃវែងម្នាក់ គឺលោក សឿន សាយបានប្រាប់ពីវិធីរើសឪឡឹកទុំ សាច់ក្រហមឆ្ងាញ់ដូចខាងក្រោម៖

១. ទងតូច៖

បើសិនជាទងឪឡឹកតូច ស្ងួតនោះមានន័យថា វាទុំល្អ។ ប៉ុន្តែបើទងរបស់វាត្រង់ទៅលើ និងនៅមានរោម នោះឪឡឹកមិនទាន់ទុំល្អឡើយ បើចិតទៅគឺនៅពណ៌ផ្កាឈូក។

២. ទម្ងន់៖

ឪឡឹកពេលលើកទៅធ្ងន់នោះ វាមានសាច់ណែនល្អ គឺមិនផុសនោះទេ។ ផ្ទុយទៅវិញបើឪឡឹកស្រាល នោះសាច់របស់វា ផុសៗមិនឆ្ងាញ់។

នេះជាការលើកឡើងរបស់ លោក សាយ មកពីខេត្តព្រៃវែង។ ដោយឡែកបើតាមឯកសារបរទេស មានចំណុចមួយចំនួនទៀតដែលអាចសម្គាល់ ផ្លែឪឡឹកសាច់ក្រហមទុំល្អដូចជា៖

៣. មើលទៅចំណុចពណ៌លឿង៖

កន្លែងដែលមានស្នាមពណ៌លឿងនៅលើឪឡឹកគឺជាផ្នែកខាងក្រោមដែលប៉ះនឹងដី។ មើលទៅលើចំណុចនេះបើវាឡើងពណ៌លឿងខ្លាំង ឬពណ៌ទឹកក្រូចបានន័យថាវាទុំ។

៤.រើសមើលឪឡឹកដែលមានសំណាញ់ច្រើន ៖

ឃើញក្រឡាសំណាញ់ពណ៌ត្នោតនៅលើសំបកឪឡឹកច្រើនគឺមកពីមានឃ្មុំក្រេបលំអងផ្ការបស់វាច្រើនដង។ ដូច្នេះបើសិនជាមានក្រឡាសំណាញ់កាន់តែច្រើន ឪឡឹកកាន់ផ្អែម។

៥.មើលឪឡឹក "ញី" ឬក៏ "ឈ្មោល" ៖

មនុស្សភាគច្រើនប្រហែលជាមិនដឹងទេថាអ្នកដាំឪឡឹកបែកចែកឪឡឹកជាពីរប្រភេទ "ញី" និង "ឈ្មោល"។ ឪឡឹកឈ្មោលរាងធំហើយវែងបន្តិច និងមានទឹកច្រើន។ ចំណែកឯឪឡឹកញីវិញ មានរាងមូល ហើយមានរសជាតិផ្អែម។

៦. មើលទៅលើទំហំ ៖

មិនគួររើសយកឪឡឹកធំពេកឬតូចពេកទេ គួររើសយកទំហំល្មមហើយស៊ីនឹងទម្ងន់របស់វា។

សម្រាប់ឪឡឹករបស់ អ្នកខេត្តព្រៃវែងខាងលើ គឺយកមកពីឧត្តុង្គ ខេត្តកំពង់ស្ពឺ ហើយលោកយកមកលក់ក្នុង១ផ្លែថ្លៃ ១៥០០រៀល។ ១ថ្ងៃ លោក សាយអាចលក់បានពី ៣០០ទៅ ៤០០ផ្លែ។

ចំពោះដំណាំឪឡឹក អ្នកខេត្តព្រៃវែងរូបនោះ ប្រាប់ថា រដូវវស្សាគេអាចដាំវាបានផលរហូត នៅតាមតំបន់ព្រៃភ្នំ នៅរដូវប្រាំងចាប់ពីខែ មករាទៅ គេអាចដាំវាតាមវាលស្រែ ក្បែរៗប្រភពទឹក។

អត្ថបទ៖ មាន រតនា

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

ទីបំផុតសំណើរសុំមិត្តស្រីរៀបការ របស់ Cristiano Ronaldo ជោគជ័យហើយ! បន្ទាប់ពីមានទំនាក់ទំនងរយៈពេល 9 ឆ្នាំកន្លង

សាកលវិទ្យាល័យអង់គ្លេស DE MONTFORT ចាប់ដៃគូជាមួយ ក្រុមហ៊ុន អូស៊ីអាយស៊ីដើម្បីពង្រីកឱកាសសិក្សាសម្រាប់និស្សិត

ស្ថានីយអគ្គិសនីពន្លឺព្រះអាទិត្យ អនុភាព ១០ មេហ្គាវ៉ាត់ បានបើកសម្ពោធនៅខេត្តពោធិ៍សាត់

ទីក្រុងដ៏ធំ ទំនើប និង ស៊ីវិល័យ នៅអាមេរិក ប្រកាស កម្ចាត់សត្វកណ្តុរ ឱ្យអស់ ក្រោយអុកឡុកពេក

ស្ថានទូតកម្ពុជា និង សហគមន៍នៅជប៉ុន រៀបចំពិធីគោរពវិញ្ញាណក្ខន្ធ ទាហានពលី

គ្រាប់បែក ១,៥៤៩ គ្រាប់ ត្រូវបានទម្លាក់នៅឧត្តរមានជ័យ និង គ្រាប់បែក MK-84 មិនទាន់ផ្ទុះ ៦ គ្រាប់