អ្នកដឹកនាំរឿង“Jailbreak"ទម្លាយខ្ទង់ចំណាយរាប់ម៉ឺនដុល្លារពី ម៉ាឡេស៊ី

2016-12-09 08:45:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយដំណើរការថតភាពយន្តវាយប្រហារខ្នាតធំទី២របស់ផលិតកម្ម "កងចក្រភីកឈ័រ" “Jailbreak”រយៈពេលប្រមាណជាង២ឆ្នាំ រួចមកនេះ អ្នកដឹកនាំរឿង Jimmy Henderson បានបង្ហើបពីខ្ទង់ចំណាយអស់ជាង ៣០ម៉ឺនដុល្លារ និងលើកយកសកម្មភាពខ្លះៗនៃដំណើរការកាត់តបច្ចេកទេសរឿងនេះនៅប្រទេសម៉ាឡេស៊ី។

លោកJimmy Henderson បន្តទៀតថាការចំណាយពេលដល់ទៅ២ឆ្នាំ ក្រុមការងារលោកមានការសម្រិតសម្រាំងខ្ពស់ជាទីបំផុត ដើម្បីផលិតភាពយន្តខាងលើនេះ គឺដើម្បីលើកមុខមាត់ប្រទេសជាតិ ក៏ដូចជាទទួលបានគុណភាពភាពយន្តល្អ និងមានទីផ្សារនៅក្រៅប្រទេសទៀតផង។ "រឿងនេះមានតួ Stunt ជិត១០០នាក់មានតួល្បីដូចជា Jean-Paul Ly សេលីន ត្រាន សំ ថារ័ត្ន ជាដើម"។ Jimmy Henderson បន្ថែម។

មកទស្សនាការបញ្ចេញមតិពីអ្នកដឹកនាំ ក៏ដូចជាអ្នកផលិត រឿង"Jailbreak" ក្នុងវីដេអូខាងក្រោម៖

ជាមួយគ្នានេះតំណាងផលិតកម្ម "កងចក្រ ភីកឈ័រ" បានលើកឡើងកាលពីថ្ងៃសន្និសីទកាសែតថា៖ " រឿងនេះយើងរំពឹងថាវាជោគជ័យច្រើនជាងរឿងទី១ ព្រោះរឿងថ្មីនេះយើងមានអ្វី Surprise ដល់អ្នកគាំទ្រច្រើនទាំងសាច់រឿងនិងតួសម្ដែង ហើយជាពិសេសរឿងនេះក៏ត្រូវយកទៅបញ្ចាំងនៅមហោស្រពភាពយន្តអន្តរជាតិផ្សេងៗដែរ"។ លោកបន្តថា អ្វីដែលរឹតតែអស្ចារ្យសម្រាប់រឿង “Jailbreak” នេះគឺខាងផលិតករបានសម្រេចចិត្តសាងសង់គុកចំនួនបីជាន់ដើម្បីឲ្យស៊ីនិងសាច់រឿងក៏ដូចជាមានភាពជាក់ស្ដែងទៅនិងសាច់រឿង “Jailbreak” នេះតែម្ដង។

ភាពយន្តបែបវាយប្រហារខាងលើគ្រោងនឹងចាក់បញ្ចាំងនៅគ្រប់រោងភាពយន្តថ្ងៃ ៣១មករា ឆ្នាំ២០១៧ខាងមុខនេះ៕

អត្ថបទ៖ ថា ម៉ាលីដា